Hopp til innhold

Duddjo maŋimuš fatnasa

Dál duddjo son maŋemuš johkafatnasa, muhto su mielas lea vahát go eai baljo leatge šat fanasduojárat. Nu lohká 84 jahkásaš fanasduojár Piera Aslak Guttorm Báršiš Ohcejoga gielddas.

Bárši Piera, Piera Aslak Guttorm

Bárši Piera, Piera Aslak Guttorm, lohká iežas dál leat duddjomin maŋimuš fatnasa. Dál lea áigi mannat ealáhahkii

Foto: Marit Sofie Holmestrand

Fanasduojárat leat vátnon, go eai leat šat nu máŋggas geat duddjojit johkafatnasiid, muitala duojár Bárše Piera, Piera Aslak Guttorm. Son lea mearridan dál heaitit ja mannat ealáhahkii, go iežas muitala leat agibeaivve duddjon.

Lágidan kurssaid jos de lassánivčče fanasduojárat

Bárše Piera, Piera Aslak Guttorm

Bárše Piera, Piera Aslak Guttorm lea eallenagi duddjon fatnasiid ja gerresiid. Dál dahtošii skuvllaid váldit dán duodjeoahppu badjelasaset.

Foto: Marit Sofie Holmestrand

Son lea lágidan iežas bájis fanasduddjon kurssaid, ja máŋggas leat leamaš kurssain, muhto eai dattetge dihto dát fanasduojárat. Iežas lohká jearran manne eai álgge duddjot, kursamannit eai loga iežaset suitit háhkat buot lágan mášiinnaid ja vel duodjedálu. Nu dat eai arvva álgit fanasduojárin.

Bárše Piera sávašii skuvllat válddášedje badjelasaset oahpahit nuoraide duddjot sámi árbevirolaš johkafatnasiid.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.