Dubmejuvvui 16 beaivái


22-jahkásaš davvitromsalaš dubmejuvvui16 beaivái evttolaš giddagassii ja oaččui vel guokte jagi geahččalanáiggi. Lihkohisvuohta dáhpáhuvai diimmá gease E-guđeš luottas Beardus, Tromssa fylkkas, go dubmejuvvon olmmoš vujii mohtorsyhkkelvuoddji njeaiga sealgga beale.

Mohtorsyhkkelvuoddji lápmašuvai dan mađe ahte gárttai viđa vahkkui buohccindieđihuvvot.

22-jahkásaš manahii ovcci mánnui vuodjenkoartta ja šaddá vel máksit 5000 kruvdnosaš sáhku.