NRK Meny

Dubmehalai ovcci jahkái

Almmái guhte dubmehalai Hålogalándda lágamánnerievttis geahččalan goddit nissonolbmo Hársttáin, dubmehallá ovcci jahkái giddagassii. Diimmá juovlamánus čuggii son iežas ovddeš ovttasássi niibbiin čeabehii. Nisu beasai heakkas dáhpáhusas. Almmái dubmehalai ovcci jahkái juo Runášši diggegottis, muhto guoddalii duomu. Lassin galgá almmái máksit nissonolbmui oktiibuot 280 000 ruvnnu buhtadasa.