Hopp til innhold

Dušše sámegielfágaid dorjot

Sámediggi addá doarjaga dušše oahpponeavvuide sámegielfágaide ja sierra sámi fágaide joatkkaoahpahusas. Nu mearridii Sámediggi otne dievasčoahkkimis go gieđahalle oahpponeavvoráhkadeami doaibmaplána.

-Sámediggi bággejuvvo dušše vuoruhit oahpponeavvuid fágaide Sámedikkis lea váldi meannudit oahppoplánaid, lohká sámediggeráđđi Mikkel Eskil Mikkelsen.

Duogáš dasa lea go stádabušeahtas lea evttohuvvon unnidit juolludeami sámegielat oahpponeavvuide 9 millijovnna ruvnnuin.

Dássážii lea Sámediggi dorjon oahpponeavvobuvttadeami sámegillii fágain nugo servodatfága, luonddufága, musihkka, matematihkka.

Dán jagi lea Sámediggi juolludan badjel 30 millijuvnna kruvnno oahpponeavvo ráhkadeapmái. Badjel 12 millijuvnna kr das leat juolluduvvon oahpponeavvuide masa sámedikkis ii leatoahppoplána ovddasvástádus.

Samisk lærebok
Foto: Siv Eli Vuolab / NRK

Korte nyheter

  • Eamiálbmogiid gudnejahttet Austrália seattaliin

    Austrália guovddášbáŋku áigu rievdadit ruhtaseattaliid ja gudnejahttit eamiálbmogiid dan sadjái brihttalaš moneárka. Dán rádjai lea Austrália ruhtaseattaliin leamaš govva brihttalaš dronnegis, muhto maŋŋá truvnno molsuma de leat mearridan baicce gávdnat eamiálbmot symbola mii gudnejahttá sin eamiálbmogiid.

    Ruhtaminttain gal galgá leat govva brihttalaš gonagas Charles:s. Eamiálbmot symbola boahtá viđa dollár seattalis, nu čállá NTB.

  • Heajos dálki dagahan heajos guollebivddu

    Ođđajagimánu heajos dálkki geažil eai sáhttán bivdit guliid, ja nu fertejedje guollefatnasat leat gáttis.

    Dássážii dán jagi leat buktán 38 proseantta unnit guoli go diibmá seamma áigodagas, nu čájehit Norges Råfisklag logut.

    Goitge lea Finnmárku bajimusas statistihkas Davvi-Norggas, Oarje-Finnmárkkus leat buktán 415 tonna guoli, ja nubbin lea ges Nuorta-Finnmárku.

    Fiskebåter til kai i Båtsfjord.
    Foto: Bård Wormdal / NRK
  • Manná maŋás bellodatmihtideamis

    Bargiidbellodat manná maŋos bellodatmihtideamis, maid Norstat lea dahkan NRK ja Aftenposten ovddas.

    Go olbmuin jerret maid áigot jienastit suohkanválggas ja Stuoradiggeválggas, de manná Bargiidbellodat maŋos guvttiin proseantačuoggáin.