NRK Meny

Duššan almmái identifiserejuvvon

Dál lea duođaštuvvon politiijaide ahte lei 66-jahkásaš, Buođggáid almmái Eilif Salangi, guhte gávdnui duššan fiervvás Čáhcesullos cuoŋománu 20. beaivvi. Almmái dieđihuvvui láhppon ruovttustis borgemánus diibmá, ja dalle čađahuvvui stuorit ohcan, mas earret eará Kystvakten veahkehii. Politiijat eai bala ahte lea kriminálalaš dáhpáhus geavvan. Oapmehaččaide lea dieđihuvvon.