NRK Meny

Dronnet rahpá festivála

Majestehtalaš dronnet Sonja dat rahpá dán jagáš Riddu Riđđu-festivála suoidnemánu 13. beaivve Gáivuonas. Nu boahtá ovdan prográmmas maid festiválalágideaddjit odne almmuhedje. Riddu Riđđu áigo dán jagi earret eará fuomášuhttit davviamerihkálaš Standing Rock-eamiálbmogiid dáistaleami, dan riidovuloš oljobohccihuksemuša, Dakota Access Pipeline, vuostá. Festivála bistá sotnabeaivái suoidnemánu 16. beaivve rádjai.