NRK Meny

Dovdet iežaset badjelgehččojuvvon

Deanuleagi bivdovuoigatvuođalaččat goappat beale riikkarájá leat doallan oktasaš čoahkkima. Oktasaš mearrádusas sii garrasit moitet Suoma ja Norgga eiseválddiid Deanu soahpamušráđđádallamiin, ja oaivvildit eiseválddiid badjelgeahččat báikkálaš bivdovuoigatvuođaid. Soahpamušain sin mielas leat dál dušše ámmátolbmot geat stivrrejit. Dan meannudanvuogi bivdovuoigatvuođalaččat gáibidit dál čorget, nu ahte sii maid váldojuvvojit ráđđádallanprosessii ruovttoluotta fárrui.