Hopp til innhold

Dovddusindahket sámi girjjálašvuođa

Njukčamánus servet sámi girječállit stuorra girjálašvuođádoaluide Pariisas, sierra antologijain fránskagillii.

Sara Margrethe Oskal

Sara Margrethe Oskal

Foto: Anne Olli / Nrk

Ášši doaimmaha Ánne Olli

Njukčamánus lágidit Pariissas girjedoaluid "Salon de Livre", dát leat messut gosa Davviriikkat leat bovdejuvvon gudneguossin.

Sámis vulget maid dáid doaluide, ja Sara Margrethe Oskal vuolgá doaluide girjjiin masa leat čohkken viđa sámigirječállis osiid sin čálálaš buktagiin.

Ja dat vihta sámi girječálli geat leat beassan mielde antologija-girjái leat Inger -Marie Aikio - Arianaick, diktagirjjin "Suonat", Siri Brock Johansen ges "Sara beaivegirjjiin" , Rauni Magga Lukkari "Lihkkošalmmái" girjjiin, Kirstti Paltto noveallain "Árbi", ja Magne Dometrener Skåden girjjin "Jeg er ikke en fjellklatrer". Dáin leat oasit váldon mielde antologijái ja antologija girjjiin dat leage Sara Margrethe Oskal bargan.

Fuopmášahttit sámi girjjálašvuođa

Dán messá vuođul soaitá geavvat nu ahte sámi girječálliid girjjit jorgaluvvojit franskagillii. Girjemessá "Salon du Livre"lágiduvvo Pariissas njukčamánu 18. rájes 21. rádjai. Ja dán messái leat Davvirikkat bovdejuvvon gudneguossin.
Dasalassin leat dán girjemessá oktavuođas maiddái bovdejuvvon 12 mánáidgirječálli ja dokko lea sámi mánáidgirječálli Karen Anne Buljo bovdejuvvon

Sámi gieječállit ieža válljen geat besset searvat antologijái

Sámi Girječálliid searvvi miellahttut dat árvaledje girjjiid main válde osiid antologijii, jurijas ledje golbma lahttu, ja sis lei stuorra bargu válljet daid árvaluvvon girječálliid gaskas.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.