Dihte bïegke-værsjoe Ole lea minngemes hieljen Trøøndelaagesne jih Nordlaantesne bïegkeme
Dæjsta aereden dellie Vegtrafikksentralen bievnedi, ennje lea nåake daelhkie dah Noerhte-Trøøndelaagen jih Nordlaanten geajnoeh mietie. E6en mietie Håpnespruvviesne, Namskogansne, edtjieh dæjstan daam pruvviem dåvvodh, dah mah edtjieh daan geajnoen mietie fielestidh tjuerieh ånnetje vuertedh.
Gellie sijjieh, geajnoeh dåaran vyjreme jih tjoereme geajnode steegkestidh.
- Lohkh aaj Monsen bijre.http://www.nrk.no/sapmi/samegillii/daelie-elmie-monse-baata-1.12124310
Orre elmie båata.
Yr.no bievnede edtja møøkestidh, båetije biejjieh liemkede jih hïevje-bïegke sjædta. Aalkoevistie mubpien våhkoen, dellie orre værsjoe båata.http://www.yr.no/
Nåake daelhkie.
Muvhth geajnoeh mietie, jijnje tjaetsie jih voedtjene daelhkie, dihte Vegtrafikksentralen bievnede. Lopme sjalkoe jih dellie dolvehke jih maahta lopme-væjroeh Noerhte Trøøndelaagesne jih Nordlaantesne juhtedh, dihte Norges vassdrag- og energiedirektorat ( NVE) sov nedtebielesne bievnede.http://www.nve.no/
Noerhtene, Tromsesne jih Finnmarhkesne dellie dihte veerremes bïegke-vaersjoe daan biejjien jih jirreden sjædta.