NRK Meny
Normal

Dološ liššáin son veahkeha olbmuid

Liššáin, mii leamašan geavahusas ovdal mannan máilmme-soađi rájes dássážii, son veahkeha olbmuid geat sus dáhttot láddjenveahkki. 76 jahkásaš Arnulf Olsen Goarahagas Porsáŋggus lea stuorra veahkkin gili olbmuide.

Arnulf Olsen

Arnulf Olsen

Foto: Arne Ivar Johnsen / Nrk

Solveig Tangerås

Solveig Tangerås

Foto: Arne Ivar Johnsen / Nrk

76 jahkásaš Arnulf Olsen, gii ássá Goarahagas Porsáŋggus, lea olmmoš gii veahkeha sin geat dárbbašit sus láddjenveahkki. Kolviikalaš Solveig Tangerås lea hui duhtavaš veahkki ovddas maid lea ožžon ja rámiida Arnulfa áŋgirvuođa ja láddjenčehppodaga. Solveig lohká gal ieš maid ovdal fáipun liššáin muhto dan son ii šat bargga ja ii han dan dárbbašge go dákkár veahkit ain gávdnojit.

Arnulf Olsen

Arnulf Olsen

Foto: Arne Ivar Johnsen / Nrk

Ovdal soađi rájes dássážii

Eai leat šat gallis geat máhttet láddjet ja soapmásat eai oppa dieđege mii liššá duođaige lea, lohká Arnulf Olsen. Lean moddii oaidnán Arnulfa láddjemin ja lean máŋgii smiehttan das ahte man guhkká son dát liššá leamašan geavahusas. Son muitala ahte liššá nađđa váldui geavahussii ovdal nuppi máilmme-soađi nu ahte dat lea vásihan ja oaidnán ollu das rájes dássážii.

- Jos dát liššá livčče sáhttit hállat de livčče das leat ollu muitalusat soađi rájes dássážii, lohká Arnulf Olsen.