Dolkan heajos bálkkáide

Musihkkárat leat dolkan heajos bálkkáide ja gáibidit dál ahte juoga dahkko. Musihkkamávssut leat leamaš seamma dásis dan rájes go son álggii čuojahit, lohká musihkkár, musihkkačálli ja komponista Morten Wærhaug.
Musihkkáriid oktasaš organisašuvnna nubbijođiheaddji Kristin Hågensen oaivvilda ahte musihkkárat galggaše buorebut gulahallat. Ja dáinna son oaivvilda ahte musihkkárat galggaše leat čeahpit doarjut guhtet guimmiideaset ja hilgut bargguid, maid ovddas eai mávsse albma bálkká.