Dolkan albma máilmmes?

Go mun dolkkan albma máilmmes ja hálidan veahaš bottu das. De ii leat goassige earo moadde boalu deaddilit, de lean Azeroth:as. Muhto várut fal..

Blood Elf
Foto: http://www.thesafehouse.org/mugshots/albums/album12/Female_Blood_Elf.sized.jpg

Ollusat leat varra gullan World of Warcraft(WoW) birra, ja imaštan mii dat lea. Nu mo namas jo gullá, de lea eará máilbmi mii ii gávdno earo interneahttas. WoW lea nu gohččoduvvon dáhkaluddan spilla, dahje rollespill. Don beasat ráhkadit alccesii ovtta olbmo maid stivret dien máilmmis, dat dego representere du.

Ragnaros
Foto: http://www.wow-blackguard.com/screenshots/ragna-pose-big.jpg

 

WoW lea dat spilla maid eanemus olbmot spillejit miehtá máilmmi, ja lea jo leamaš vuovdemassi 3 jagi. Leat birrasii 8mill. olbmo geat spillejit Worlf of Warcrafta.

 

Ovddit váhkku, námmalassi ođđajagimánu 16. beaivve, de geavai juoga masa ollusat Azeroth:as(WoW máilmme namma) ledje illudan. The Burning Crusade bođii vuovdemassii. Dat lea dego diekkar stuorideapme World of Warcraftii. Dát lei nu beakkán ahte buvddat dolle idjerábas ja olbmot čužžo ráidduin olggobealde dassážii go buvda sáhti álgit vuovdit, mii lei justa diibmu 00:00. Norggas ii leat dát dábálaš.

 

thunder bluff
Foto: http://i13.photobucket.com/albums/a267/Kahni/World%20of%20Warcraft%20Screenshots/MoonriseoverTh

 

Dal lean mun spillen váhkku, ja bijan sivvan ahte olgun lea nu buolaš! Dán spillas it dárbbas álo dáhkat juoga, ja dat lea mu mielas hui buorre. Maid mun oaivvildan lea ahte go leat nu ollusat geat spillejit dán, de sáhtta muhtomin dušše čohkkat ja háleštit(chattet). Lea hui sosiala spilla, ja lea varra dat mii dahká dan nu váralažžan.

 

Undead
Foto: http://www.playfuls.com/images/screenshots/pc/World_of_Warcraft_The_Burning_Crusade/0100.jpg

 

Lean máŋgii lohkan áviisain olbmuid birra geat eai daga eará go spillet dán spilla, muhtomat heitet skuvllas dan dihtii, earát fas smihtet heaitit bárggus. Spilla lea nu stuoris ja boahta oamastit hui olu du áiggis jus hálidat ahte du olmmoš galgá oažžut daid buoremus dávviriid spillas. Mun áddin bures ahte ollusiin lea miella eallit dien máilmmis, vaikko ii leat albma.

Ainnas buorre áigegollu dálvebuollašis, muhto ferte muitit mis lea albma máilbmi gosa galggašii mahccat.