Hopp til innhold

Dokumentáragirji "LANDET BAKOM"

Dán ođđa dokumentáragirjjis lea sáhka Tornensis bearrasis. Dán bearrašis leat golbma buolvva mátkoštan nuppe beallái Atlanter-ábi, ovddit- ja mannančuohtelogus.

Fra boka "LANDET BAKOM" av Dag Ove Johansen
Foto: Bondes Forlag

Dag Ove Johansen

Dag Ove Johansen

Foto: Sverre Breivik, Saltenposten

2002:s lei girječálli Dag Ove Johansen iežas girjji "Sjamanens rike" almmustahttin mátkis Guovdageainnus. Doppe Mieronis deaivvadii son Anne Susanne Tornensisain, gii muitalii sutnje miellagiddevaš ságaid iežas bearraša historjjás. Dát ságat movttiidahtte su čálligoahtit dokumentára girjji, mas muitala dán bearrašis.

Tornensisat manne Amerihkkái ja Canadai

1894:s vulggii guovdageaidnolaš Johan Svendsen Tornenesis bearrašiinnis Kjellmann-ekspedišuvnna mielde nuppe beallái Atalanterábi. Sii manne Teller Reindeer stationii, mii ii leat nu guhkin eret Nome-gávpogis Alaskas.

Prošeaktajođiheaddji dr. Sheldon Jacksen lihkostuvai nu bures dáinna prošeavttain ahte vieččahii vel 100 olbmo Norggas 1998:s.

Ođđa Tornensis-buolva vulggii dál Teller Reindeer stationii/ boazostašuvdnii bargui. Dalle manai Susanne Johansdatter Tornensis, son lei Johan S. Tornensisa nieida.

1931:s manai goalmmát buolvva Tornensis Canadai

Fra boka "LANDET BAKOM" av Dag Ove Johansen

Dag Ove Johansen girji 'LANDET BAKOM'

Foto: Bondes Forlag

Anne Susanne Tornensis vulggii ges Canadai 1931:s Persild -ekspedišuvnna mielde. Doppe galge maid bargat boazodilis, oahpahit inuihtaide boazodoalus.

Girji "Landet bakom"

Dál lea Dag Ove Johansen almmustahttán dokumentáragirjji mas čállá Tornensisa bearrašis, das ahte golmma buolvvas leat sis mannan Amerihkkái ja Canadai olbmot oahpahit boazodoalus doppe.

Bondes Forlag dat lea almmustahttán Johansena girjji "LANDET BAKOM".

Anbjørg Hætta lea jearahallan Dag Ove Johansena

Korte nyheter

  • – Allet čierut min duššiid dihte

    Sámediggepresideanttas Silje Karine Muotkas leat stuora vuordámušat Duohtavuođa- ja soabahankommišuvnna raportii, mii almmuhuvvo duorastaga diibmu 12.00 Stuoradikki neahttasiidduide.

    Muotka geardduha Terese Olli Sara sániid «Allet čierut min duššiid dihte» go muitala iežas vuordámušaid raportii. Muotka ovdanbuvttii Olli Sara dajahusa juo iežas ođđabeairuohta sártnis.

    -Dat bohtet sihkkarit olu gatnjalat gáhččat, dadjá Muotka.

    Muhto son váruha čieruhit sápmelaččaid duššiid dihte.

    – Jus ii leat makkárge doaibma mii dikšu dáid háviid, de leat dát hávit ain rabas. Mii eat nákce dalle soabadit, dadjá Muotka.

    Sámediggepresideantta sávvá goitge soabadit.

    – Dat lea vejolaš soabadit, muhto mun balan go dás lea sáhka guhkes áiggi dáruiduhttinpolitihkas, mii lea stuora oassin min historjjás. Nu ahte soabadeapmi lea dat stuora gažaldatmearka dás, loahpa son.

    Silje Karine Muotka
    Foto: Åse M. P. Pulk / Sámediggi/ Sametinget
  • Røde Kors fikk varsel fra Lotteritilsynet

    Finnmark Røde Kors brukte lang tid på å sende inn rapportskjema etter et lotteri som foreningen arrangerte i oktober, i fjor.

    Lotteri – og stiftelsestilsynet varslet Finnmark Røde Kors tidligere i mai, om at tilsynet ville trekke tilbake retten til å arrangere lotterier, hvis foreningen ikke sendte inn rapporten innen 30 mai.

    I dag bekrefter tilsynet at Røde Kors har holdt fristen, og dermed faller varselet bort.

    Røde Kors logo på skulder
    Foto: Martin Torstveit / NRK
  • Muohtti dahjege šlahtti muhttin báikkiide

    Davvi-Norggii dieđihuvvo olu arvi boahttevaš beivviid. Ja gaskaváhku boahtá muhtin báikkiide šlahtti dahjege muohtti.

    Dan čállet Meterologat Twitterii.

    Paraply i snøvær
    Foto: www.colourbox.no/ PHILIPPE Pauchet / PHOTOPQR/LA VOIX DU NORD