Álgadiddjen li juo gárves plána.
Ælla val de jur gållev råggåmin, luojvojbargge gejt NRK gávnná ednama vuolen. Ja sivvan manen danna li, la stuorra dujska oassálasstem dánna maŋemus væráldadoaron.
Ållo ruhtse
Álgadiddjáj dán ruhtserádjamij lij histåvrrå dán birra tjierggis, ja duodden ij sidá ruhtseduvnen ståhkat.
– Gå nuorap lidjiv de dánna rádnaj siegen ståhkiv. Ij la muv mielas nav suohtas gå nav ållo ruhtse la dánna. Ja sidáv dav ålgus åhtjadit, javllá álgadiddje Mikkel Amma Kuoljok (13).
Árvvoájmmo
Ja nav lij álggo. Duodden la aj kulturmujtosaddje viehkken dát dujska kanonásadusájt Ájluovtan Divtasvuonan adnet gálldon árvvoájmmon.
– Doarromujtojt Nuortta-Sálton lip tjáledime majt vat árvvoásadibmáj adnep. Aktan lip ja histåvråv adnep, tjårggip ja diehtojuohkemij dilev láhtjep, javllá doarromujtoprosjevta jådediddje Árran julevsáme guovdátjin, Linda van der Spa.
5000 soahteålmmå
Ájluokta lij ájnas dujskajda nuppát væráldadoaron. 5000 soahteålmmå lidjin danna doaroj sinna. Soabmása dal dán kanonásadusán. Doaroj maŋŋela bálggun ruhtsajt dási, valla dálla sjaddá vuosádussadje ja duodden aj ståhkamsalljo.
– Sihtap histåvråv åvddånbuktet. Gåk la dálla ij la vejulasj. Vuostak dal ájn viertti rádjat, dáfov oaggit, ja nav de kultuvrrabirás ásaduvvá gånnå l vejulasj vuosádussaj dilev láhtjet dáj bunkarij sinna. Ja de la vejulasj aj ståhkat dánna, javllá doarromujtoprosjevta jådediddje
Doarroståhkus
Ja jur dav la álgadiddje ja ájálvisguodde juo usjudallam. Uddni ælla rádna suv siegen dánna barggamin, valla sij lij aj oassálasstám. Ja sjievnnjis rájge hiehpi riek buoragit sierralágásj ståhkusij.
– Usjudalájma ståhkat laser-tag, mij la dagu doarroståhkus, hiejtet Mikkel Amma Kuoljok.
GEHTJA ODDASAT-SÁDDAGA ÁSSJEV DÁNNA: