Doarju sioux álbmoga
Sámi kirkoráđđi doarju sioux álbmoga rahčamušaid bissehit oljobohcci huksema rastá sin eatnamiid Standing Rock báikkis Davvi-Dakotas USA as. Sioux álbmot ballá ahte bohcci, mii galgá mannat Missouri-joga vuolde, sáhttá luoddanit, ja nu maid nuoskidit sin juhkančázi ja guollebivdobáikkiid. Industriija lea ožžon huksenlobi álgoálbmogiid jearakeahttá, mii vuot lea ovdamearkan dasa movt stáhtat kolonialisttalaš vuoiŋŋain badjelgehččet álgoálbmogiid, oaivvilda girkoráđđi, Ovdalis lea maid davviriikkaid sámedikkit ja sámi organisašuvnnat dorjon Davvi-Dakota álgoálbmogiid oljobohkan vuostálastima.