Hopp til innhold

Doarjja sámi gálvomearkkaide

Sámediggi lea juolludan 300 000 ruvnno doarjjan viidásabbot ovdánahttit sámi gálvomearkkaid. Dan čállá Sámediggi preassadieđáhusas.

Sámi gálvomearkkat čájehit guđet gálvvut leat albma sámi gálvvut. Ja dat leat de mielde nanneme árbevirolaš duojáriid ja sámi hutkkálaš ealáhusaid gilvalannávcca.

Sámi Duodji-mearkka ja ođđa Sámi Made-mearkka almmuheami rájes leat gálvomearkkain dál badjelaš 200 liseansageavaheaddji. Dan dadjá sámediggeráđđi Berit Marie P. E. Eira preassadieđáhusas.

Sámiráđđi ráhkada dál bagadusa ja strategiija movt sámi gálvomearkkaid oainnusin dahkat olggobealde Sámi.

– Barggu boađus lea veahkkin hálddašit ja ovdánahttit sámi ealáhusaid, dadjá sámediggeráđđi Berit Marie P. E. Eira.

Silje Karine Muotka ja Berit Marie P. E. Eira
Foto: Ørjan Marakatt Bertelsen / Sametinget

Korte nyheter

  • Ådå suohkan Robek-lisstan

    Les på norsk.

    Andøy suohkan la Robek-lisstaj boahtám, diedet avijssa Vesterålen Online.

    Suohkan la mierredam ruhtalågov nievres netto doajmmabåhtusijn 35,2 millijåvnå kråvnåj ja lassegålojt 13,8 millijåvnå kråvnåj.

    Dav vuoset girjje Nordlánda Stáhtaháldadiddjes Andøy suohkanij.

    Mærrádus ij gal suohkanoajvev Kjell-Are Johansenav (Bb) alvaduhttá.

    – Diedijma galgajma Robek-lisstaj boahtet, valla soajttá daj sjaddá liehket viehkken åvddålijguovlluj bessat, javllá Johansen avijssaj.

    Andøy rådhus.
    Foto: Synnøve Sundby Fallmyr / NRK
  • Avinor: Ii leat eanet váttisvuohta skoattuin gáiddusstivrejuvvon girdišiljuin

    Les på norsk.

    Maŋŋá go ollu girdišiljuin leat álggahan gáiddusstivrema, de eai leat girdiin šaddan eanet váttisvuođat seaivut skoattus. Dan dieđiha Avinor.

    Ovtta vahkus suoidnemánus fertii Widerøe bissehit 52 vuolgagiid Finnmárkkus.

    Leat 11 girdišilju mat leat gáiddusstivrejuvvon Bådådjos.

    Muhto ii leat mearkkašahtti ahte eai leat šat báikkálaš bargit girdišiljuid toartnain, duođašta Avinor.

    – Bargit geat barget girdišilju toardnaguovddážis, sáhttet ain oaidnit mo dálki rievdá girdišilju kámerasensoriid bokte ja gulahallat pilohtaiguin, dadjá Avinor bargi Ragnvald Godø.

    Bearráigeahččandieđut ja infrarukses kámerateknologiija sihkkarastet seamma buori bálvalusa go dábálaš toartnat, dadjá Godø.

    – Viđa jagi doaibma lea addán midjiide buriid vásáhusaid, ja dat ii leat leamaš makkárge váttisvuohtan min oainnu mielde.

  • Eanet bohccot vuddjon Finnmárkkus

    Les på norsk.

    Politiijat bivdet Finnmárkku vuddjiid leat várrugasat geainnuid alde.

    Gaskavahkku leat sii ožžon dieđuid máŋgga sajis Finnmárkkus ahte bohccot leat vuddjon, eanaš Deanu ja Mátta-Várjjaga guovlluin.

    Politiijat dadjet ahte leat olu bohccot geainnuid alde.

    Ii leat ráŋggáštahtti dahku vuodjit elliid njeaiga, muhto lea lobiheapme jos ii dieđit.