fállá Nuorta Finnmárkku eaktodáhtolašservviide juovlaskeaŋkka. 50 000 ruvdnu lea supmi mas dál ovdal juovllaid áigot juohkkit skeaŋkkaid servviide main leat jurdagat háhkat juoga maid searvi duođaid dárbbašivčče.
Ávki guhkit áigái
Varanger Kraft bargi Anne Wikan muitala fitnodaga ovdalge addán skeaŋkkaid servviide, muhto dál leat sii fuomášan ásahit foandda mas sáhttet juohkit ruhtadoarjaga stuorát oasttámušaide. Eaktun oažžut doarjaga lea dieđos dat ahte dát livčče ávkin guhkit áigái, ja ahte dát attášii eanet doaimmaid searvvi báikái.
Sihkkelasttit
Sirpmá Valáštallansearvvi jođiheaddji movttiida go gulla ahte eaktodáhtolašservviin Nuorta Finnmárkkus lea vejolaš ohcat oasttámušaide ruhtadoarjaga. Sirpá Valáštallansearvi áiggošii oasttit spinning sihkkeliid. Spinning sihkkelat leat dieđos sihkkelat maiguin stobus sáhttá duolmmadit. Nu livččige dáid vuogas dálvit geavahit dalle go olggos ii árvva buolašin vuolgit moge hárjehallat.
Oktii jagis juhket doarjagiid
Varanger Kraft Anne Wikan muitala iežaset oktii jagis de juohkit eaktodáhtolaš servviide Nuorta Finnmárkkus ruhtadoarjagiid. Ja dál lea ge áigi ohcat doarjaga jos galggaš leat vejolaš fitnet doarjaga, ohcanáigi lea dán mánu 23. beaivi.
Olbmuide ávkin
Leage vejolaš ohcat ruhtadoarjaga huksemiidda, dahje oasttiti biergasiid maid dárbbašit iežaset searvviid bargui, ja dasa lassin galget dát biergasat movttiidahttit doaimmaide.
Nuorta Finnmárkui
Nuorta Finnmarkui lohká Anne Wikan gullat Bearralvági, Báhcavuona, Deanu, Unjárgga, Čáhcesullo, Várggáid ja Mátta Várjjaga. Died dat gullat foandaguvlui, lohká Wikan.
Mii galgá mielde ohcamii
Boahttemánus mearrida Varanger Kraft juriija-joavku geat ánssásit doarjagiid. Ohcamii galgá čállit masa dárbbašivčče ruđa, ja diehtalasat galgá bušeahtta mielde ja mo leat jurddašan máksit ođđa biergasiid dahje háhkamiid.
Juovlaskeaŋka
Sirpmá Valáštallansearvvis áiggošedje oasttit spinningsihkkeliid, ja dán oastimii dárbbašivčče sii ruđalaš veahkki, nu lohká searvvi jođiheaddji Ragnhild Måsø. Dát livčče oalle juovlaskeaŋka lohpaha son.
