«Mijjieh annje daesnie» Bjørkmo Lifjell lååvle

Artiste Ole-Henrik Bjørkmo Lifjell ålma duakan ÅVLA. DJ iDJa tuhtjie joejkh byöroe daanhtsoeguelpesne årrodh.

Ole Henrik Bjørkmo Lifjell og Markus Thonhaugen/DJ iDJa
Foto: Benjamin Fredriksen

Les på norsk:

ÅVLA jïh DJ iDJa utnigan konseertem Oslosne. Daesnie åadtjoejin laavloem «Aarvoes» voestes aejkien govledh.

Orre laavlosne ÅVLA «mijjieh annje daesnie» lååvle.

Byjjenimmie sijjie lea Bleikvassli, menh daelie Ole-Henrik Bjørkmo Lifjell Oslosne årroeminie.

Gosse onne lij voelph jïh fuelhkieh Åvla satne nommestehtieh.

Dannasinie artistenomme ÅVLA sjïdti.

Ole-Henrik Bjørkmo Lifjell

OVMESSIEH DORJE: Tjaktjese Ole Henrik Bjørkmo Lifjell åejviedorjehtæjja teaaterisnie åtna.

Foto: Privat

Gieriesvoete

Veajkoej ahte Ole-Henrik laavloe dorje. DJ iDJa gihtji Ole-Henrik jis sæjhta uvtelasse seedtedh.

Ole-Henrik tjoeje gosse joejki veelti jïh DJ iDJa gåajkoe seedti. DJ iDJa laavloem dorje.

Voestes laavloen nomme «Ráhkisvuohta» sjïdti.

«Ráhkisvuohta» leah seamma goh gieriesvoete.

Abpe jïele Bjørkmo Lifjell gieriesvoete scenekåanstese utni.

Aarebi jïjnjemes daanhtsoe jïh teaatere. Ij aarebi Bjørkmo Lifjell konseerte dan jïjnje musihkine jïh joejkine utni.

– Moenedimmieh lea buerie, jïh medtie 50 almetjh konseertese böötin.

Ole Henrik Bjørkmo Lifjell og Markus Thonhaugen/DJ iDJa

EP: Dah guaktah håhkesjægan EPem påaskese vedtedh.

Foto: Benjamin Fredriksen

Voelph åadtjoeh govledh musihke mij dah guaktah darjoejigan. Mænngan åadtjoejigan konseertem hööltedh.

Jïh tjoerigan vielie laavloeh darjodh. Dannasinie njieljie vielie laavloeh darjoejigan.

Så ahte nuekies laavloeh abpe konseertese.

Dah guaktah joe orre sjïehtedimmie orre konseertem utniejægan.

– Dïhte lea gaajh luste, Bjørkmo Lifjell tuhtjie.

Markus Thonhaugen/DJ iDJa

GASKEVIERMESNE: Markus Thonhaugen piano spïeledh jïh musihke darjodh gaskeviermesne lïereme.

Foto: Oliver Rønning

Maanabaelievoelph

Markus Thonhaugen lea DJ iDJa.

Markus jïh Ole-Henrik åtna seamma byjjenimmie tjïelte.

Markusen aehtjie Skånlandeste båata, menh byjjeni åarjelsaemien dajvesne byjjeni.

Golme jallh njielje jaepieh Thonhaugen musihke eabnadehti. Gellieh jaepieh dj orre.

Bjørkmo Lifjell jïh Thonhaugen Gaske-Nöörjen Saemieskuvlesne ektesne vaedtsiejigan.

– Sjidtien iemie månnoeh laavenjostedh jïh manne Håakoem aalkoven maam akt stoerre, Thonhaugen jeahta.

Markus musihke abpe sov jïelem lyjhki.

Vihkeles saemien kultuvrh jïh gïelh sov dorjesinie vuesehte.

Thonhaugen NRK noerhtelaantesne barka.