Hopp til innhold

Geaidnodirektevra lohpida divvut šilttaid

Stáhta Geaidnodoaimmahaga bajimuš hoavda lohpida ahte geaidnošilttat mat leat boastut čállojuvvon sámegillii divvojuvvojit farggamusat.

Feilskrevne skilt
Foto: Piera Balto / NRK

Vegdirektør Terje Moe Gustavsen
Foto: Jan Gulliksen / NRK

– Mun šállošan go ain leat olu boastut čállon šilttat sámi guovlluin, lohká geaidnodirektevra Terje Moe Gustavsen.

Olu šilttain leat sámi báikenamat čállon boastut. Ovdamearka dihte lea Guovdageainno suohkan jo 1995as mearridan mo báikenamma Gárgoluoppal galggašii čállot, muhto dan ii leat Stáhta Geaidnodoaimmahat nagodan divvut 13 jagis. Šilttas lea ain čállon Gargoluobbal.

GULDAL: GEAIDNODIREKTEVRA LOHPIDA ŠILTTAID DIVVUT

Stáhta Geaidnodoaimmahaga Davvi Regiovnnas dat lea ovddasvástádus divvut daid ollu boastut čállojuvvon šilttaid.

– Mun lean gulahallan singuin, ja luohtán ahte sii duođai divvot boasttuvuođaid nu jođánit go vejolaš, lohká Moe Gustavsen.

Korte nyheter

  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi
  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi