NRK Meny
Normal

Diktár geas gurgalit sánit

Dárogiella lea Liv Ellen Johnsena čállingiella, danne gurgalit sus sánit dárogillii. Guokte diktagirjji leat ilbman sus, ja son čállá ain.

Diktár Liv Ellen Johnsen

Diktár Liv Ellen Johnsen

Foto: Anne Olli / NRK

DIKTACÁLLI LIV ELLEN JOHNSEN

Hør Liv Ellen Johnsen på norsk

"Ei sørge mer", sámegillii "Ii šat moraštit", dát lei dikta mii bođii sutnje go lei finadeamen girkogárddis iežas fulkkiis hávddiid galledeamen. Ucca lottáš dat vizardemiinnis bovttiid sus sániid dien diktii.

Álo čállán

Diktára Liv Ellen Johnsena girjjit

Diktára Liv Ellen Johnsena girjjit

Foto: Anne Olli / NRK

Liv Ellen Johnsen lea čállán juo mánnávuođa rájes, muhto eanet duođaleabbot čálligođii son 25 jagi rájes. Nu leatge sus dán rádjai ilbman guokte diktagirjji "Livets rose" ja "Kildevann fra lysets land".

"Livets Rose"

Dáinna girjjiin son rámida ja gudnejahttá eallima, gudnejahttá luonddu čáppisvuođa ja beaivválaš eallima smávit ja stuorit iluid. Girji ilmmaid 2003:s. Divttaiguin ávžžuha son olbmuid movttiidahttit guhtetguimmiideaset eanet. Dárogillii dadjá ná: "Hvorfor ikke strø flere roser rundt oss".

"Kildevann fra lysets land"

Dánge girjjis gudnejahttá son eallima, - agálaš eallima. Čáži lohká son leat deháleapmosin eallimis, ja mii de lea buoret go ájačáhci. Iežas lohká gávdnan ráhkisvuođa ádjaga, ja dán son hálida juogadit earáiguin. Dán girjjis son guoskaha eanet oskku áššiid, ja divttaiguin lohká iežas dego giitalit áhččerohkis rávvagiid bestojumi hárrái. Gula divtta "Jeg vil ei sørge mer"

Ráhkada koarttaid

Oassi Liv Ellen Johnsena koarttain

Oassi Liv Ellen Johnsena koarttain

Foto: Anne Olli / NRK

Liv Ellen Johnsen ráhkada maid koarttaid main govat leat heivehuvvon sániide maid son čállá. Dáidda koarttaide lea duogábeallái vejolaš čállit dearvuođaid ja sáddet usttibiidda. Koarttaide lea maid ieš govven govaid. 

Deanodagas eret

 Liv Ellen Johnsen lea Deanodagas eret, ja doppe son dálge ássá. Nuorran soai áhčiinnis dávjá digaštalai čiekŋalis áššiid, oskku áššiid. Liv Ellen muitala iežas dalle lean áibba eará dásis oskolašvuođas go dál, danne son dalle nággestalai áhččis vuostá gii lei nana oskkudovddasteaddji. Iežas son ii dalle lohkan dárbbašit kristtalaš oskkus smiehttat ovdalgo boarasmuvvá. Danne leatge áhččis sánit dárvánan su muitui "beare dat ii leat menddo maŋŋit". Nu leage son maŋit diktagirjjis mii almmustuvai 2005:s čállán justa fal jeđđehusas ja doaivagis. Maiddái giitosin iežas áhčerohki rávvagiidda. Dikta /dikt "Velsignet være minnet"

"Gjensynsglede"