Guovttis dikki golmma duopmáris vuhtiiválddiiga Rios Montt bealušteddjiid čuoččuhusa, ahte oaiveduopmár Jeannette Valdez lea bealálaš go lea čállán masterbihtá Rios Montta birra.
Rios Montt lea áššáskuhttojuvvon 1 771 maya goddán presideantaáigodagastis 1982-83. Oktiibuot 250 000 olbmo gottáhalle Guatemala sisriikkasoađis mii bisttii 36 jagi.
88-jahkásaš ovddeš generála ja presideanta Rios Montt dubmehalai 2013s 80 jagi čohkkámii álbmotgoddimis ja vearredaguin olmmošvuođa vuostá, muhto duopmu gomihuvvui diibmá áššemeannudanboasttuvuođaid dihtii.