Čakčamánu 10 ja 11. beaivve dán jagi leat maid kirkoválggat Norggas mas 1200 searvegoddái jienastit áirasiid.
Buot miellahtut Norgga girkus sáhttet jienastit dan jagi rájes go devdet 15 jagi.
Dán jagi sáhttá maid jienastit ovddalgihtii jos geavaha BankID čovdosa dahje sullasaš beassamiid, ja dan sáhttá dahkat borgemánu 10. beaivve rájes ja čakčamánu 6. beaivve rádjai.
Seamma áigge maid sáhttá jienastit áirasiid bismagodderáđiide.
Nu go gieldda- ja fylkkadiggeválgii, galget evttohaslisttut leat siste ovdal diibmu 12;ii njukčamánu 31. beaivve, vahkku geahčen.
Unnimustá 13 olbmo leat jápmán Brasilas Rio de Janeiro gávpoga lahka, bolesa ja rihkolaččaid váldaleamis.
Buot dat jápmán olbmot leat rihkolaččat, dieđihit bolesis. Válddahallan dáhpáhuvai duorastaga Sao Goncalo gávpogis.
Boles dagai akšuvnna váldin dihte gitta navdon narkotihkkajoavkku jođiheaddji.
Ihttin, njukčamánu 25. beaivve lea sámi leavgabeaivi go dán jagi lea Márjjabeaivi dien beaivve alde.
Beaivi lea nieida Márjjá muitobeaivi.
Dálkemearkkaid hárrái dán beaivve de dádju, jos bivalda ja njázuda ovdal Márjjábeaivvi de šaddá Goavvegiđđa.
Jos bivalda ja njázuda maŋŋá́ Márjjábeaivvi de šaddá oanehis giđđa ja sáhttá dulvat.
Eará lea ahte jos borga dán beaivve, de šaddá buorre luossa- ja šaddojahki.
