NRK Meny

Diggi álgá

Sivaheaddji gáibida Muoná olmmošgoddináššis áššáskuhtton albmá dubmejuvvot giddagassii eallinahkái, muitala Yle Sápmi. Muoná goddinášši diggi álggii odne Gihttelis. Guovvamánus gávdne politiijat dievddu goddon Geatkesavvonis Muonás, Davvi-Suomas. Dáhpáhusa rájes lea okta dievdu leamaš giddagasas, guhte sivahuvvo olmmošgoddimis, muhto áššáskuhtton almmái šiitá dahkan maidige bahás.

Son lea čilgen politiijaide ahte lea leamaš báikkis go goddin lea dáhpáhuvvan, muhto ahte muhtin eará gottii albmá.

Dán diggái leat bidjon guokte beaivvi.