NRK Meny

Dievdu jámii Málatvuomis

Disdaga iđđes jámii dievdu go su tráktor gopmánii Málatvuomis, Romssa fylkkas. Dievdu lei deaškašuvvan tráktora vuollai. Politiijat ožžo dieđu lihkohisvuođa birra ovdalaš diibmu gávccis. Lihkohisvuohta dáhpáhuvai Rundmo:s, Málatvuomis. Sullii 30 minuhta maŋŋel lihkohisvuođa, jámii dievdu. Dievdu lei tráktorin vuodjime váldoluottas. Go galggai skirvehit eatnamii, de gopmánii tráktor, muitala Romssa politiija operašuvnnajođiheaddji , Gaute Hoff.