Hopp til innhold

Dievddut gevve hárčut juovlaruohta jos eai gotte guoli

Gáivuonas gevve dáluisidat návsti dáhkenala hárčát jus eai háhkan báldá juovlaruhttii. Jus eai goddán ieža guoli, de ferteje gávdnat earain dán.

Uten kveite julaften måtte gubben sitte skrevende på nausttaket

Jus dáluisit ii lean ordnen báldá juovlaruohta, de geavái hárčát návstte dáhkenalde juovlaruohta.

Foto: Per Lyngstad / Privat

Maiddái Gáivuonas davviromssas muitet olbmot iešguđet diiddaid. Guollebivdit muitet bures diidaga go dáluisit geavái hárčut.

Hárčát návsti dáhkenalde

Oliva Nilsen

Olmmáivággilaš Oliva Nilsen muitá bures dien áiggi go dievddut gevve hárčát dáhkenalde.

Foto: Klemet Anders Sara

Olmmáivákki nisu Oliva Nilsen (89) muitá bures mo ovdalaš áiggi lei Gáivuonas. Dáppe leat olu diidagat maid sáhtášii muitalit, lohká Nilsen. Okta dáin lea "jus dáluisit ii buktán guoli juovlaruohta, de geavái dáhkenala hárčut čohkkát. Nilsen muitá ahte iežas isit gal ii dárbbašan dáhkenala obanassinge, go sus gal lei álo guolli juovlaruohta.

Oliva Nilsen muitá ahte árrat beaivet borre buvrru ja eahketbeallái mállestedje guoli. Dat lei buorre áigi muitaša Nilsen.

Bálddis dábálaš juovlaruohta

Leder i Kåfjord Fiskarlag, Nils Samuelsen

Vuotneguollebivdi Nils Samuelsen gal ii leat dárbbašan goassege hárčát návtti dáhkenalde.

Foto: Klemet Anders Sara / NRK-Sapmi

Vuotnaguolásteaddji Nils Samuelsen muitala ahte ovdalaš áiggi lei dábálaš borrát báldá juovlaruohta. Dát lei erenoamaš hersko muitaša Samuelsen. Moadde vahkku áigi gottii son máŋga bálda, ja bearráš beassá návddašit báldamállása maid dáid juovlabasiid.

Samuelsen ribaha bohkosit, go dán jagi ii dárbbaš goit son goarkŋut návstti nala ja hárčut.

Dálu isit hárčá návstti dáhkenalde.

Ii leat dihtosis man guhkká dáluisit šattái hárčát návstti dáhkenalde juovlaruohta.

Foto: Per Lyngstad / Privat

Áigi lea rievdan

Dán áiggi ii leat šat nu dábálaš gal guoli málestit juovlaruohta, dál lea goikaduvvon lábbá- dahje sávccaertet mii leavgejuvvo. Muhto guoli vuššet ain máŋggas eará juovlabasiid muitala guolásteaddji, Nils Samuelsen.

Guldal radioášši, Oliva Nilsen ja Nils Samuelsen:

Dáluisit geavái návsti dáhkenala hárčát jus ii háhkan guoli juovlaruhttii.

Publisert Oppdatert

Mer fra NRK Sápmi

Korte nyheter

  • Ođđasat - Davvisámegillii

    Seminára sámi mánáidgirjjálašvuođa birra: – Dá lea álgu sámi mánáid girjjiide

    Sámedikki girjerájus, Juoigiid searvi ja Norgga mánáidgirjeinstituhtta lágidedje odne rabas seminára sámi mánáid girjjálašvuođa birra Oslos.

    Girječálli Inga Ravna Eira, sámi girječálliid searvvis, lei okta dain gii čuovui seminára.

    – Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.

    Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.

    Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.

    – Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.

    Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.

    – Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.

    Ihttá bargobádjái lohká vuordit ahte dat geat galget doppe hállat doppe buktet árvalusaid muhto maid ahte sii ovttas galggašit gávnnahit juoidá.

    – Dá lea álgu sámi mánáid girjjiide, ja dás rájes de álget várra dahpahuvvot áššit, sávvamis.

    Inga Ravna Eira
    Foto: Iŋgá Káre Márjá I. Utsi / NRK
  • Ođđasat - Davvisámegillii

    Kártadoaimmahat dohkkeha Oslove – mieđihit iežaset ádden ášši boastut

    Kártadoaimmahat lea dál dattetge dohkkehan Oslove nama almmolaš máttasámegiel namman Norgga oaivegávpogii.

    – Mii dat leimmet boastut ádden. Gielda lei ožžon formálalaš rávvaga sámi báikenammanevvohagas maid lága mielde galget dahkat, lohká Kártadoaimmahaga ossodatjođiheaddji Helge Dønvold.

    Kártadoaimmahat šálloša go álggos dieđihedje gildii ahte namma ii dohkkehuvvo.

    Dál álgá Oslo gielda čalmmustahttit gávpoga sámi nama.

    – Lean hui ilus go dát manai bures ja go Oslo sámi namma dál lea almmolaččat dohkkehuvvon, lohká Oslo gávpotráđi njunuš, Eirik Lae Solberg.

    Gávpoga sámi namain sii dáhttot čájehit ahte atnet árvvus sámi kultuvrra, ja čájehit ahte Oslo lea buohkaid oaivegávpot, maiddái buot sámiid oaivegávpot, deattuha son.

    Oslo gieldda neahttasiiddus geavahišgohtet Oslove earret eará gávpoga logos, buohtalagaid gávpoga dárogiel namain.

    Ihtet maiddái áiggi mielde Oslove-geaidnošilttat. Gielda áigu muđuid vel árvvoštallat man láhkai buoremusat čalmmustahttet gieldda sámi nama.

    Oslove lea gávpoga namma máttasámegillii, ja dál juo geavahit sihke searvvit ja ásahusat dán sámi nama Oslos.

    Oslove-skilt på Samisk hus i Oslo.
    Foto: Mette Ballovara / NRK
  • Ådåsa - Julevsábmáj

    Fálli nåvkå varresvuohtakontrållåv

    Dån guhti årru Hábmera suohkanin ja la 40 ja 79 jage gaskan oattjo dal varresvuohtakontrållåv tjadádit masta i dárbaha majdik mákset.

    Vuoratjismáno 29. biejve álggá Saminor3-guoradallam Hábmera suohkanin, ja vihpá gitta ájgen moarmesmáno 14. bæjvváj.

    Guoradallama åvddåla gåhttju Hábmera suohkan ja Saminor3 álmmuktjåhkanibmáj, mij tjadáduvvá uddni vuoratjismáno 25. biejve sebrudakvieson Ájluovtan kl. 17.00 ja Hamsunguovdátjin kl. 20.00.

    Danna Hábmera suohkan galggá subtsastit manen Saminor3 la ájnas gájkajda suohkanin, ja guoradalle galggi subtsastit sisano birra viesátguoradallamin – manen Saminor3 guovte vahko duogen suohkanin sierra varresvuodastasjåvnåv rahpá.

    Vihttalåk suohkana li maŋen Saminor3:n.

    Bilde av faglig leder for Saminor 3-undersøkelsen, Ann Ragnhild Broderstad, foran Saminor-bussen.
    Foto: Solveig Norberg / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen