Maiddái Gáivuonas davviromssas muitet olbmot iešguđet diiddaid. Guollebivdit muitet bures diidaga go dáluisit geavái hárčut.
Hárčát návsti dáhkenalde
Olmmáivákki nisu Oliva Nilsen (89) muitá bures mo ovdalaš áiggi lei Gáivuonas. Dáppe leat olu diidagat maid sáhtášii muitalit, lohká Nilsen. Okta dáin lea "jus dáluisit ii buktán guoli juovlaruohta, de geavái dáhkenala hárčut čohkkát. Nilsen muitá ahte iežas isit gal ii dárbbašan dáhkenala obanassinge, go sus gal lei álo guolli juovlaruohta.
Oliva Nilsen muitá ahte árrat beaivet borre buvrru ja eahketbeallái mállestedje guoli. Dat lei buorre áigi muitaša Nilsen.
Bálddis dábálaš juovlaruohta
Vuotnaguolásteaddji Nils Samuelsen muitala ahte ovdalaš áiggi lei dábálaš borrát báldá juovlaruohta. Dát lei erenoamaš hersko muitaša Samuelsen. Moadde vahkku áigi gottii son máŋga bálda, ja bearráš beassá návddašit báldamállása maid dáid juovlabasiid.
Samuelsen ribaha bohkosit, go dán jagi ii dárbbaš goit son goarkŋut návstti nala ja hárčut.
Áigi lea rievdan
Dán áiggi ii leat šat nu dábálaš gal guoli málestit juovlaruohta, dál lea goikaduvvon lábbá- dahje sávccaertet mii leavgejuvvo. Muhto guoli vuššet ain máŋggas eará juovlabasiid muitala guolásteaddji, Nils Samuelsen.
Guldal radioášši, Oliva Nilsen ja Nils Samuelsen: