NRK Meny
Normal

Riddu Riđđu festivála rahpan

Chirgilchin ja Arvvas rahpe dán jagi Riddu Riđđu festivála, ja diŋgojuvvon duodji doaimmái erenoamaš bures.

Åpningen av Riddu Riddu 2015

24. Riddu Riđđu festivála rahpui ikte eahket. Dá diŋgojuvvon duodji, Chirgilchin ja Arvvas.

Ikte rahpui almmolaččat 24. Riddu Riđđu festivála. Lei Tuvajoavku Chirgilchin ja Arvvas, Sara Marielle Gaug Beaska ja Steinar Raknes geat ovdanbukte rahpandiŋgojumi.

Lávlon fárrolagaid 28 jagi

Six Nation women
Foto: Klemet Anders Sara / NRK-Sápmi

Rahpamis lávlo Six Nations women, geat leat ovttas lávlon 28 jagi. Joavku lea oassin stuorát nissoniid fierpmádagas mii lávlumiin čohkke ruđa buorredagolaš ulbmiliidda. Joavku lea guđa álbmogis. Joavku ovddasta dán jagáš Davvi albmogiid Riddu Riđđu festiválas.

Mingá, ođđa sámi musihkkárjoavku. Vokalista lea Iŋgá-Máret Gaup-Juuso, suomabeal Gárasavvonis eret. Gaup-Juuso alggii njealjejahkásažžan juo lávlut ja juoigat Rahpama loahpahii romssajoavku F.A.C.E. geat ovdanbukte elektro-pop:a šuoŋaid.

Ilus go viimmát leat jođus

Karoline Trollvik

Riddu Riđđu festivála jođiheaddji, Karoline Trollvik lea ilus go viimmát leat jođus.

Foto: Klemet Anders Sara / NRK-Sápmi

Riddu Riđđu festivála jođiheaddji, Karoline Trollvik lei ilus go festivála viimmát lea álgan. Trollvik rámida iežas vehkiid ja buot artisttáid geat leat boahtán.