NRK Meny
Normal

Demensa-čájáhus almmustuvvamin

Boarrásat sáhttet fáhtehallat demensa-dávdii Dat lea dávda nugo earáge dávddat. Dál lea Ingá Rávna Eira čállán das čájálmasa, mii farga galggašii beassat lávdái.

Ingá Rávná Eira
Foto: Anne Olli

Dán čájáhusa áigot čájehit lávddiin Sámis. Jurdda lea fuomášahttit ahte demensa-dávda lea dego earáge dávddat. Iige dáinna dávddain galgga giige heahpanaddat. Danne son lea čállán čájáhussii teavsttaid.

Dárbbašlaš hállat dán dávddas

Kárášjoga Demensa-searvvis hállagohte sii ahte dávje oapmehaččat heahpanaddet dainnago lagašolbmot muittohuvvet. Danne ferte hállagoahtit dávddas, ja dahkat dan dávdda lunddolažžan, nugo earáge dávddat leat.

Muittohuvvan dahjege demensa lea dávda, lea juoga mii dáhpáhuvvá olbmo vuoigŋašiin. Iige leat nu ahte olmmoš hovkkiida. Hovkkiideapmi lea seammago seahkanit, oavvilda Inga Rávná Eira. Demensa-dávddas ii šat buorrán, dannego dán dávdii eai leat vuos gávdnan makkárge dálkasiid, lohká Eira.

Čájáhus livččii gárvvis, dál sii vel vuorddašit Sámedikkis ruhtadoarjaga vai beasašedje dán čájehišgoahtit.

Iežas lohká dán bihttá čállán dannego alddis ledje vánhemat geain lei demensa-dávda.

 : Demensa/ muittohuvvan lea dávda