NRK Meny
Normal

Sámi báikenamaid

Sámegielagat ja studeanttat sámegielfágas besset odne ja ihttin oahppat mo sámi báikenammabargu doaidmá.

Tospråklig skilting i Kåfjord

Olmmáivákki-Manndalen galba ilmmái moadde jagi áigi, ja nugo Gáivuonas joatkašuvva ain sámi báikenamma bargu. Lea dehálaš čohkket sámi báikenamaid vuorkkaide, ja mat sáhtet adnot nugo kártabargguin.

Foto: Klemet Anders Sara / NRK-Sápmi

Guovtti beaivvis galget sámegialagat ja studeanttat oahppat mo sámi báikenamma ilbmá ja mo dán dohkeha Sámediggi.

Báikenamaid lea dehálaš kártet

Sámi Allaskuvlla lektor Kaisa Rautio Helander

Vuosttašamanueansa, Kaisa Rautio Helander lohká dehálaš bargu kártet sámi báikenamaid systemáhtalaččat. Dát bargu galgá ávkin kártabargguide ja báikenamma vuorkkaide.

Foto: Ánne Olli / NRK

Kursaoahpaheaddji, Vuosttašamanueansa Kaisa Rautio Helander lohká dehálaš alggahit dákkár barggu guorahallamin, jearahallat guovllu olbmuin báikenamaid birra. Nugo manne son dán báikkis lea dákkár namma, go dát dávjá addá vástadusa manne diet namma heive buoremus dán báikái. Bargu alggahuvvo jearahallat báikki olbmuid, manne dát namma dán báikkis.

Rautio Helander lea ieš bargan báikkenamma konsuleanttan badjelaš logi jagi, ja diehtá bures makkár hástalusaid dákkár bargu addá. Dán vuođul áigu ge son addit buori oahpu kursalaččaide odne ja ihttin Diehtosiiddas, Guovdageainnus. Dát kursa lea dehálaš go unnan leat sámi báikenamat systemáhtalaččat vurkejuvvon, lohká Rautio Helander.