NRK Meny
Normal

Dehálaš fitnat Utøyas fas

- Mun aigon máhccat fas Utøya sulložii nu jođánit go vejolaš. Dehálaš mai searvat AUF geassečoahkkimiide, amma Utøya suolu báze muitun biro dahje helveha suolun.

Issát Ánde Jovnna Eira

Issát Ánde Jovnna Eira

Foto: Máret Sofe Holmestrand / NRK

Kárášjoga AUF jođiheaddji Issát Ándde Jovnna Eira (18) jáhkká ahte lea dehálaš buohkaide geat ledje Utøya sulložis, sii geat lea birgen heakkas dahje roasmmuhuvvan, ahte sii oktii fitnet fas dan sullos. Nu mai beasašit gieđahallat sin vásáhusaid mai doppe.


Hástala earái dohko vuolgit

Issát Ándde Jovnna lohká ahte máŋgasat mis leat ovdal fitnan Utøya geassedeaivvadeamis. Alot leamašan nu ahte go ruoktot boahttit, de mii ohcalat fas Utøya ja dan birrasa, ja leamašan illu fas nuppes doppe deaivvadit.

- Mun háliidan hásttálit buot nuoraid fas doppe fitnat. Ádden gal jus muhttimat dovdet lossa dovddu ja eai nagot doppe fas fitnat, lohká Issát Ándde Jovnna Eira.

Fakkeltog Karasjok
Foto: Marit Sofie Holmestrand / NRK

Ain ovttastallat

- Munnje ja min báikkálaš searvái leamašan buorre dovdu go nu olusat leat beroštan mis maŋŋá go ruoktot lea boahttán, lohká Issát Ándde Jovnna.
Su mielas lea olbmot čájehan beroštumi, ja mai čájehan rákkisvuođa sidjiide geat leat massán heakkas, roasmmohuvvan ja lea mai čájehan beroštumi eará báikki nuoraide min riikkas.
- Mii geat leimmet Utøyas šaddat ain ovttastallat nu olu go lea vejolaš. Min miellahttot háliidit maid gullat mo mis lei dilli máddin. Sis han leat mai olu gažaldagat midjiide, lohká Issát Ándde Jovnna Eira.