NRK Meny
Normal

Dehálaš čohkket bearraša juovllaide

Guđa máná eatni juovladábit rivde dađimielde go mánát riegádedje. Nuorran gulai son radio juovllaid, muhto dál ii leat šat dilli dasa.

Ann Solveig Nystad

Ann Solveig Nystad

Foto: Anne Randi Oskal

49 jahkásaš Ann Solveig Nystad`s leat guhta máná ja su juovlavierut leat rievdan sakka das rájes go lei dušše okta mánná dassái go šadde eanet mánát.

Nuorran guldalii radio, dái ii leat šat dilli dasa

radio

Radio

Iežas lohká Ann Solveig Nystad nuorran liikon gullat radio, dál ii leat šat dilli dasa, ja justa dien son gal váillaha. Dál go sus leat guhta máná, de lea ollu eará maid ferte bargat.

Sii osttet skeaŋkkaid ja leat ovttas ruohttaeahkeda. Vuosttaš juovlabeaivvi vulget sii ovttas girkui. Sii leat mearridan ahte eai galgga nu issorasat duobmat, baicce leahkit eanet ovttas.

Ovdal dalle go sutnos ledje dušše moadde máná, dalle lei eanet dilli bassat ja čiŋahit dálu juovllaide. Dál lea nu olu bargu ahte ii leat dilli šat bargat nu go ovdal.

Deháleamos leahkit ovttas

Guđa máná eadni lohká leat deháleapmosin ahte bearaš lea ovttas juovlabasiid, ja ahte sii ráfis besset čohkohallat ja háleštit. Ja sutnje lea máilmme buorre dovdu dalle go sii ovttas leat leamaš girkus juovlabasiid.

Ruovttu lohká lean oalle guorusin dalle go boarraseamos bárdnii ii lean juovlabasiid ruovttus, danne ádde son easka dál man dehálaš lea čohkket bearraša oba juo juovlabasiid.