Deanu fierbmebivdit moaráskan

Deanu fierbmebivdit árvvoštallet riiddáskit stádain jus fal Deanuleagi stággobivdit ožžot sierra bivdovuoigatvuođaid Deanu čázadagas.

Tanalaks
Foto: Eilif Aslaksen / NRK

Dan cealká Deanu Luossa breavaeaiggáditsearvi.

Jođiheaddji Reidar Varsi lea ilus go fierbmebivdit searvvi jahkečoahkkin ovttajienalaččat dohkkehii stivrra strategiija Deanu lávdegotti barggu oktavuođas.

GULDAL: FIERBMEBIVDIT ÁRVVOSTALLET DIGGOT STÁHTA VUOSTÁ

Dát lávdegoddi mii lea namuhuvvon Finnmárkku lágas árvvoštallá baikkalaš hálddašeami Deanu čázadahkii.

Lávdegottis lea čuožžilan nu garra guovtteoaivilvuohta ahte leat jurista bálkkáhan veahkkin čoavdit ášši.
Eanet lohkku lávdegottis oaivvilda stággobivdiin maid sierra bivdovuoigatvuođaid. Muhto dát vuoigatvuođat eai leat čállon makkárge láhkii.