Dál lea Leavnnja seahkalaskoarra/ Lakselv Blandakor jođus Spoalavuollái Lofoahtii. Doppe galga dátge koarra lávlut, earret eará Lofoahtakáhtedrálas ja Magic Ice gárdinis. Koara dirigeanta Anastasia Dmitrieva lea nannosit oahpahan koara lávlut lávlagiid maid Spoalavuolis áigot lávlut.
Hálidit lávlut ovttas
Koara stivrrajođiheaddji Randi Karlsen muitala dán koarradeaivvadeami lágiduvvot daid dábálaš koarastevnnaid gaska. Ja go sii Leavnnjas das gulle, na de gal dieđihedje sii ge ahte vulget dokko. Iežaset lohká vuolgit geassemánu gávccát beaivvi, ja sii mátkoštit bussen Lofoahtii. Doppe galget lávlut olles vahkkoloahpa.
Stivrraáirras Aud Liland lohka ges go sii vuos mearrededje vuolgit dokko, na de gal fertejedje hárjehallagoahtit dávjjibut, ja de ohcagohte maid orrunsajiid Lofoahtas.
Hárjehallan bures lávlagiid maid galget lávlut
Sii válljejedje lávlagiid, ja daid sii lea bures oahpahallan. Dál illudit beassat lávlut Lofoahtakáhtedrálas, ja galget maid lávlut dakkáraš báikkis gos lea oalle čoaskkis. Dán Magic Ice gárdimis, mii lea 500 njealljahasmehtera stuoris, doppe galget maid lávlut. Ja go dokko mannet de gal fertejit buorebut gárvodit. Go dán lávlunhállas lea čieža buolašceahkki. Dállu sulastahttá jiekŋa hoteallaid, muitala Aud Liland.