NRK Meny
Normal

Davvi Norgga dáiddáčájáhus Ruŧŧii

Miessemánu 10. beaivvi rahppo Lulejus 2008 Davvinorgga Triennale. - Davvi Norgga govvadáidda ja dáiddaduodje čájáhus.

Per Adde dáidda

Per Adde dáidda

Foto: Anne Olli / NRK

Lea Nordnorsk kunstnersenter mii lea buvttadan čájáhusa masa 16 davvi norgalaš dáiddára leat searvan dáidda- ja dáiddadujiideasetguin.

Juohke goalmmát jagi čájáhus

Nordnorsk kunstnersenter lea jagi 2000 rájes lágidan dákkáraš johttičájáhusa juohke goalmmát jagi. Dál lea vuosttaš čájáhusbáiki Luleju dáiddahállas miessemánu 10.beaivvi.

Máŋggalaganaš dáidagat

Govvadáiddár Per Adde

Govvadáiddár Per Adde

Foto: Anne Olli / NRK

Davvi Norggas leat dát dáiddárar válljejuvvon čájehit iežaset bargguid Eevahenna Aalto, Per Adde, Thot Erdahl, Britt Hennie Halvorsen, Odd Helmersen, Jenny-Marie Johnsen, Ingjerd Hansen Juvik, Inger Blix Kvammen, Ingrid Larssen, Harald Lien, Anne Rita Nybostad, Inger Anne Nyaas, Solveig Ovanger, Alf Salo, Arvid Sveen ja Scott Thoo.

Salo ruksesáigoda govva

Alf Salo dáidda

Foto: Anne Olli / NRK

Davviriikalaš jurija válljen dáiddáriid

Lea davviriikalaš jurija mii lea válljen dáiddáriid geat besset searvat bargguiineasetguin johttičájáhussii dán heave. Jurijas leat norggas Birthe Marie Løveid ja Kari Ulleberg. Suomas searvvai Kim Simonsson, Ruoŧas Karin Granquist ja Dánmárkkus ges Poul R. Weile.

Arvid Sveen govat

Arvid Sveen govat

Foto: Anne Olli / NRK

Čájáhusbáikkit

Luleju - Konsthallen miessemánu 10.beaivve rájes geassemánu 8. beaivái. Odense - Filosofgangen geassemánu 24.beaivvi rájes suoidnemánu 20. beaivái. Ja Svolværas Norggas - Nordnorsk kunstsenteris skábmamánu 29.beaivvi rájes juovlamánu 31. beaivái