NRK Meny
Normal

Davvi-Norgalaččat láidestit Luonddu ja Nuoraid

Suorttá nieida, Ingrid Skjoldvær, Viestarállasis eret válljejuvvui sotnabeaivve Luonddu ja Nuoraid logát riikkačoahkkimis Fredrikstádas, searvvi ođđa jođiheaddjin.

Ledslsen i Natur og Ungdom

Magnus Storvoll Strømseth, Romssas eret, Gaute Eiterjord Stavangeris eret ja Ingrid Skjoldvær Suorttás eret, válljejuvvojeddje Luonddu ja Nuoraid jođihangoddái.

Foto: Helene Lind Jensen / Natur og Ungdom

Romsalaš Magnus Storvoll Strømseth válljejuvvui nubbi sadjásaš jođiheaddjin, ja Gaute Eiterjord Stavangeris eret vuosttaš nubbejođiheaddjin.

Organisašuvnna jođihangoddi lohpida garrasit vuostálastit ruvkebázahusaid luoitima Norgga vuonaide.

– Lea njulgestaga heahpat ahte iežamet vuonaide deavdit geđggiid ja mirkkobázahusaid. Vuonat han leat áibbas earenoamážat biebmobuvttadeami oktavuođas. Go eiseválddit dál leat miehtan ruvkefitnodagaid áigumušaide ruvkebázahusaid luoitit Norgga vuonaide, de dat rihkku buot biirasfágalaš rávvagiid, dadjá Luonddu ja Nuoraid ođđa jođiheaddji, Ingrid Skjoldvær.

– Áigi duohtandahkat plánaid

Ii ge son loga ballat garra ja vel lobihis ákšuvnnaid billistit organisašuvnna beaggima.

– Ii leat áhpu dušše jitnosit čuorvut ahte áigut duođas vuostálastit ruvkeásahemiid ja vuonaid nuoskkidemiid ruvkebázahusaiguin, dál lea áigi plánaid duohtandahkat, dadjá Skjoldvær.