Dávvenjárga massen ollu dorskeearri
Professor Torbjørn Trondsen lohká Radio Nordkapp, ahte Dávvenjárga lea okta dain geat masset eanemus riikka dorske earri. 2005:s gitta 2014 rádjai lea oassi njiedjan 23 proseanttain. Muosát leat massán 20 proseantta. Dorske earit leat garrasit sentraliserejuvvon logi jagis, čájehit Norgga guolásteaddji allaskuvlla, Romssa universitehta logut. Lihká vaikko Finnmárkku lea massán logi proseanta earrefakturás, de leat Báhcavuonas, Deanus, Bearalvákkis, Unjárggas ja Gáŋgaviikkas lasihan iežaset oassi.