Guovvamánu bivvaliid ja arvviid geažil lea guohtun lohkkašuvvan Nordlánddas.
Heahtegearggusvuođalávdegoddi lea ge duođaštan guohtunroasu Byrkije, Røssåga/Toven, Ildgruben, Sáltoduottar, Balvatn ja Duokta orohagain. Nu čállá Nordlándda stáhtahálddašeaddji iežas neahttasiidduin.
Stáhtahálddašeaddji bivdá olbmuid johtit várrogasat dieid guovlluin ja váruhit ahte eai muosehuhte bohccuid go leat heajos vuoimmis.
Dál sáhtát jorgalit guđa sámegiela gaskka ja maiddái eaŋgalasgielas ja dárogielas sámegielaide ja nuppe guvlui. Jorgalanprográmmas leat davvi-, julev-, mátta- anáraš- ja nuortalašsámegielat.
Tartu universitehta Dihtordutkaninstituhta dutkit leat dahkan dán vejolažžan. Dán čovdosis leat oktiibuot 23 suomaugralaš giela.
Dát jorgalanvuogádat lea rabas buot geavaheddjiide ja prográmmagálvu ja mállet leat rabas gáldut.
Ráđđehus árvala 35 proseantta vuođđoreantovearu Norgga mearradollui. Gulaskuddanárvalusas lei 40 proseanta. Luossavearru lea garrasit moitojuvvon guolástusealáhusas ja riddoservodagain gos lea guollebiebmandoaimmat.
– Mii leat guldalan vuostecealkagiid. Mii deattuhat ahte dát ortnet galgá sihkkarastit ealáhus ahtanuššá, seammás go oassi mearradoalloealáhusa vuođđoreanttus galgá buohkaide buorrin, dadjá stáhtaministtar Jonas Gahr Støre.
Bealli vuođđoreantovearu dietnasis galgá mannat gielddaide.
