Dássálagai ruoŧa válggain

Ja ruoŧa válgabohtosat čájehit ahte dán rádjai ruksesruoná bellodagat ožžot ovtta báikki eanet stuorradiggái go borgárlaš joavku. Ovddalgiitii jienat ja jienat mat olgoriikain bohtet eai leat vel rehkenastton ja dát leat sullii 300 duhát jiena. Nu ii leat vel čielggas gii de stivregoahta Ruoŧa boahtte jagiid. Dálá stáhtaministtar sosialdemokráhtaid Stefan Løfven dajai mannán ija hui nannosit, ahte son lea vuos ain stáhtaministtar vaikko Moderáhtaid bellodat lea gáibidan su guođđit dán ámmáha.