Darfegoađit galget geasuhit olbmuid

Golbma darfegoađi Návuonas galget geasuhit báikkálaš olbmuid ja turisttaid finadit báikkiin gos ovdal leat eallán ná. Dál leat viiddideamin falaldaga.

Darfegoađit Olgolis
Foto: Klemet Anders Sara / NRK-Sápmi

Guokte darfegoađi Olgolis ja okta Spittás leat ceggejuvvon muittuhandihte mo olbmot guovllus elle 1400-1600 logus.

Viiddiduvvo

Lei jagi 2000 go arkeloga Svein Erik Grydeland čalmmustahtii mo olbmot Návuonas leat eallán dolin, ahte Davvi-Romssa vuorkádávvir álggahii prošeavtta cegget darfegođiid čájehandihte mo olbmot dáin guovlluin orro dolin. Lea Ragnhild Enoksen gii doaimmaha prošeavtta, ja dán geasi lea son huksemin luovi.

– Mii geavahit verdde Guovdageainnus veahkkin hukset luovi, dadjá Ragnhild Enoksen ja rámida iežas verdde Aslak Isak Skum gii neavvu sin mo galget cegget dán.

Enoksen gohčoda verddes mentorin.

Aslak Isak Skum ja Ranghild Enoksen

Dá lea 'mentor' Aslak Isak Skum čilgemin prošeaktajođiheaddjái, Ragnhild Enoksen mo son lanjaha bárkku muoras.

Foto: Klemet Anders Sara / NRK-Sápmi

Huksejuvvon seamma hámis go dolin

Návuona siidda prošeaktajođiheaddji, Ragnhild Enoksen sávva buohkaid boahtit geahččat sin siidda. Dáppe fitnet dál eanaš skuvlaluohkát ja joavkkut geat hálidit oaidnit mo ovdalašáiggi elle oluhat Návuonas. Dál hálida Enoksen ahte eanet suohkana ássit bohtet geahččat maid leat huksen.

– Dat mii lea erenoamaš nugo gođiiguin lea ahte leat huksejuvvon juste seamma hámis go dolin, ja ii leat geavahuvvon ii oktage spihkkár goahtehuksemii, čilge Aslak Isak Skum.

Skum rámpo goahtehuksejeaddji, go eai gávdno šat nu gallis geat dáinna lágiin huksejit darfegoađi.

Darfegoahti siste

Darfegođiide Návuonas ii leat geavahuvvon okta spihkkár, mii lea oalle erenoamaš čilge Guovdageaidnulaš, Aslak Isak Skum.

Foto: Klemet Anders Sara / NRK-Sápmi

Korte nyheter

  • Dearvvašvuođabálvalus vásiha garra deattu

    Bealli Norgga gielddain almmuhit ahte dearvvašvuođabálvalusain vásihit garra deattu ja leat unnán bargit, čállá Dearvvašvuođadirektoráhta varas vahkkoraportasis.

    Njealji gielddas váilot bargit dearvvašvuođasuorggis. Seammás dearvvašvuođadirektevra Bjørn Guldvog váruha ahte gielddat fertejit ráhkkanit ain eanet buozalmasvuođajávkamiidda.

    Helsedirektør Bjørn Guldvog.
    Foto: EVEN BJØRINGSØY JOHNSEN / NRK
  • Deanučázádaga Guolástanhálddahusa jođiheaddji

    Benn Larsen lea válljejuvvon Deanučázádaga Guolástanhálddahusa jođiheaddjin, ja John Nystad gis nubbinjođiheaddjin.

    Soai doaibmaba jođiheddjiin skábmamanu 23. beaivái 2023:s, dassážii go gielddaválggat ja 2023:a oktasaš čoahkkin leat čađahuvvon, čállá Hans-Erik Varsi, Deanučázádaga Guolástanhálddahusa direktevra preassadieđáhusas.

    Benn Larsen , Tana fiskeforvaltning
    Foto: Sidsel Vik / NRK
  • Northkid gearggus MGP lávdái

    Ihttin eahkes čuojaha Álttá/Ákŋoluovtta joavku, Northkid, Melodi Grand Prix oassefinálas.

    Joavku beasai loahppagilvvuide ovddalgihtii, muhto lea lihkká gearggus lávlaga čuojahit ja čájehit.

    – Vuosttaš geahččaleapmi lei hui erenomáš, dál leat duođas álgán. Hui buorre dovdu duođaid beassat johtui, dadjá lávlu Bilal Saab.

    MGP 2022 artistslipp NorthKid
    Foto: Julia Marie Naglestad / NRK