NRK Meny
Normal

Dárbu ođđa boazodoallopolitihkkii

Stuorradikki ealáhuslávdegotti nubbinjođiheaddji lohká dál fertet dárkkistit olles boazodoalopolitihkka. Son lea hirpmástuvvan man ollu boranávdebuhtádasat leat lassánan.

Rein

Áiccalmahttingovva.

Foto: Knut-Sverre Horn / NRK

 Øyvind Korsberg

Øyvind Korsberg.

Foto: Knudsen, Knut Erik / VG

– Dasa masa mun reageren, lea sihke dan stuora ruhta lassáneapmái, ja go lea vel lassanan proseanttas, dadjá Øyvind Korsberg.


Ovddádusbellodaga áirras lea nubbinjođiheaddjin Stuorradiggi ealáhuslávdegottis. Dát lávdegoddi dat jođiha maiddái boazodoaloáššiid doppe.
NRK lea dán vahkos almmuhan loguid mat čájehit ahte boranávdebuhtadasat Finnmárkkus leat lassánan mealgat viđajagiáigodagas 2008is 2012 rádjai. Man ollu bohccuid ovddas dat ohccojuvvo, lea maid lassánan sakka.

Vaikko vel dutkit dán vahkos lea dadjan ahte lea veadjemeahttun ahte boranávddit goddet badjelaš 250.000 bohcco dán áigodagas, de čujuha NBR ovdaolmmoš Nils Henrik Sara juste návddiid valljivuhtii.

  • Guldal ášši:
    Darbu odda boazodoallopolitihkkii