Dárbbašit eambbo veahkkerusttegiid

Riddodoaimmahagas dárbbašit eambbo veahkkerusttegiid Longyearbyenii, vai sáhttet jođáneamos lági mielde čorgegoahtit jos geavvá nuoskkideapmi Barentsábis. Dan ohppe mannan vahkku hárjehallamis olggobealde Svalbárda. Riddodoaimmahaga seniorráđđeaddi Rune Bergstrøm oaivvilda ahte fertejit vurkkodit eará gearggusvuođa rusttegiid maiddái sullos.