Dárbbašat go musihkkarávvagiid vahkkolohppii?

Musihkka heive measta juohke dilálašvuhtii. Dá leat min rávvagat.

Programlederne for Valvi, Dávvet Bruun Solbakk og Ivan Buljo, foran det samiske flagget.

VALVI VÁLLJEN: Dávvet ja Ivan leaba oktan Kolbjørn Norvangain válljen dán vahkku šuoŋaid.

Foto: Tor Egil Rasmussen, Kolbjørn Norvang / NRK

Les på norsk

Ođđa jahki lea buktán olu sámi musihkka. Mii veahkehat du ohcat.

Dávvet Bruun Solbakk

Sort/hvitt bilde av Dávvet Bruun Solbakk

VAHKKOLOAHPPA PLÁNAT: Dávvet lea gávdnan musihkka olles vahkkolohppii. Leaš go digitála feasta, tuvrravázzin vai lossa miella.

Foto: Tor Egil Rasmussen, Kolbjørn Norvang / NRK

Maxida Märäk - Jåhkåmåhkke

Dán šukŋii lea áibbas buorre fitnat váccašeamen olgun. Viimmat lea Maxida fas juoigamin, ja doalaha maid dan buori buvttadeami. Luohtti ja elektronika - dan gal ferte ráhkistit

Áidna - Romsa

Jos leat digitála festii jođus de ávžžuhan dán šuoŋa čuojahit. Teavstta lea álki čuovvut buohkaide, ja buvttadeapmi šuoŋas lea nu sager čaffat. Sámi ska-musihkka? In diehtán dát lei juste maid dárbbašin dál. Mun lean ASAP fárremin Romsii go dán šuoŋa gulan.

Agnete - En kasse pils alene

Depressed? Dá lea dutnje «sad bitch anthem». Agnete cover vearšuvdna Staysman šuoŋas (seamma namain) lea nu fámolaš. In lean goassege vuordán gullat luođi Staysman šuoŋas!

Agnete lea okta Sámi čeahpimus lávluin, ja lea nu mágihkalaš gullat su juoigamin maid. Heive bures guldalit guhkes dálveijain!

Ivan Buljo

DJ og programleder for Valvi, Ivan Buljo.

SOTNABEAIVVI VUOŊŊASTII: Sotnabeaivvi lea buorre guldalit jaskes musihkka, muitala Ivan Buljo.

Foto: Tor Egil Rasmussen, Kolbjørn Norvang / NRK

Keiino - Monument

Vaikko MGP lea vássánáiggis, de ii leat Monument feber vel jávkan. Šuokŋa heive bures bearjadahkii ja ealáskahttá du bearjadat eahkeda.

Felgen Orkester - Giđđa Beaivvit

Dán šuoŋa sáhttá lávlut ovttas! Perfect lávvardat eahkeda ja lokte buorremiela rohppái digitálafeasttas.

ISÁK - Roasut

Sotnabeaivvi galgá vuoiŋŋastit. Don it gávnna buoret šuoŋa go «Roasut» dasa. Dákkár fiinna ja jaskes luohtái lea buorre njoaskát.

  • Loga eambbo musihkka birra NRK Urbbi siidduin:

Kolbjørn Norvang

Kolbjørn Norvang er musikkjournalist for NRK Urbi.

DOVDDASTA: Kolbjørn dovddasta ahte lea juoga su birra maid berrešit diehtit.

Foto: Ole Máhtte Gaup / NRK

Gájanas – Čihkkojuvvon:

Sámi prog. rocka?? YEEEEESSSS! Jus dus leat 5 minuhtta ja vihttanuppelot sekundda návddašit musihka, de lea dá rievttes šuokŋa. Čohkket guldalit dán go dárbbašat fámuid čohkket, giddes čalmmiidat ja divtte Hildá Länsmanna jiena váldit du mielde mátkái. HEARRÁ SIVDNIT dát lea buorre!

Violet Road – You Wanna Do It Too:

Violet Road máhttet čuojahit, máhttet lávlut ja guoimmuhit. Dan mii jo diehtit. Eanaš lávlagat sin ođđaseamos skearrus heivejit dákkár listui. Muhto dán šuoŋas lea lea energiija ja mokta mii lokte miela. Geahččal mat čohkkát áibbas jaska go guldalat šuoŋa. Dat ii leat vejolaš.

Dear Sara – Something You Should Know:

Ehm... Mun dieđán dás berrešii čuožžut Ailu Valle, Eksosgjengen, Ája dahje eará hip hop vai rocka. Muhto lea juoga maid berrešit diehtit. Dán šuoŋas lea man nu lágan fápmu mii geasuha mu. Dát duođašta ahte buorre musihkka geasuha olggobeale šáŋŋera maid.

Liige šuokŋa

Elektronika artista Niilas ii leat čohkkedan vuoiŋŋastit vaikko lea nammaduvvon Spellemann bálkkašupmái.

Peder Niilas Tårnesvik

MARS BIEGGA: Niilas lea viežžan NASAs jienaid ođđa šukŋii.

Foto: Nikolay Tysse Øberg

Guovvamánu 18. Beaivvi seivui “Perseverance” vuoján Marsii (juo, diet rukses planehta). Guokte beaivvi maŋŋel almmuhii NASA vuosttaš jienaid Marsas ja njeallje beaivvi dan maŋŋel fas, almmuhii Niilas vuosttaš šuoŋa Norggas mas leat jienat Marsas.

– Perseverance lea mu dulkon ovtta “liekkus okto-ruovttus” šuoŋas maid sáhttá guldalit boahtteáiggi Mars-koloniijas. Háliidin ráhkadit šuoŋa maid gean nu áhkku sáhtašii huraidit kievkkanis, diekkár dovddu maid muitá mánnávuođas. Mun lean geahččalan ráhkadit nostalgiija dovddu dilálašvuođas mii ii gávdnu vel: Muittašit máilmmi go orut Marsas.