Dánsumiin ealáska olmmoš

Vuonnabađas Várjjagis golladit boarrásat áiggi dánsumiin. Dánsun movttiidahttá ja seammás maid lásmmodahttá, lohket dánsárat.

Anna Tobiassen ja Birgitte Daniloff

Anna Tobiassen ja Birgitte Daniloff

Foto: Marit Sofie Holmestrand

Anna Tobiassen lea 89 jahkásaš nisu gii searvá boarrásiid/ seniordánsii, iežas lohká leat boarraseamos dánsáriin. Sutnje lea buorre vuolgit olbmuid deaivat, ja erenomáš buorre lea go beassá vel lášmmohallat.

Ferte oaivvi geavahit

Margit Porsanger Eikjok ja Anna Tobiassen

Margit Porsanger Eikjok ja Anna Tobiassen

Foto: Marit Sofie Holmestrand

Anna Tobiassen oaivvilda leat buorre dánsut danne go de ferte geavahit oaivvi, ferte smiehttat mo galgá lihkadit. Iežas lohká leat geahččalan leahkit son gii jođiha/mearrida go dánsu, ja dange lohká mannan bures.

Buorre vuohki oažžut vara johttit buorebut

Anna Kristoffersen ja Anna Tobiassen

Anna Kristoffersen ja Anna Tobiassen

Foto: Marit Sofie Holmestrand

Lea maid buorre lihkadit, go dalle han varrajohtu šaddá buoret. Dan lohká maid Boarrásiid/ Seniordánssa jođiheaddji Mari-Ann Nilssen. Ja son lohká olbmuid boahtit sihke Unjárggas ja Deanus dán dánsumii.

Mari-Ann Nilssen

Mari-Ann Nilssen

Foto: Marit Sofie Holmestrand

Nilssen muitala maid iežaset oažžut gielddain ruhtadoarjaga jođihit dánssa, go boarrasat olbmuide lea buorre beassat lihkadit.

Almmaiolbmot gal eai leat gallis dán dánssas. Anna Tobiassen váillaha sin, ja son gal duođai illuda go beassá deaivat olbmuid. Seammáš beassá son vel lášmmohallat. Iežas lohká dovdat bures rupmašis ahte lea lášmmohallan, ja dat lea dakkáraš buorre dovdu.

Seniordánsajoavku Vuonnabađas

Seniordánsajoavku Vuonnabađas

Foto: Marit Sofie Holmestrand

Oanehaččat

  • Ii čađat čáhcefápmo-prošeavtta

    Troms Kraft fitnodat ii áiggo čađahit plánejuvvon čáhcefápmo-prošeavtta. Diibmá attii Oljo- ja energiijadepartemeantta doaibmalobi vai besset hukset Stordal elfápmorusttega Moskavutnii, Lulli-Romsii. Dát rusttet livčče addán elfámu 7000 viesuide. 300 miljovnna divrras huksen ii leat dál šat áigeguovdil, danne go sisaboahtu el-rávnnjis lea unnán ja Troms Kraft ekonomalaš dili dihte, dadjá Troms Kraft buvttadeaddji Harry Løvberg.

  • Háliidit guollerusttega Áltái

    Fitnodat Cape Fish Davvenjárggas, Finnmárkkus, bargá dál oaččun dihte guollerusttega, Girenjárgii, mii lea olggobeale Álttá. Dán rusttegis áigot vuostáiváldit vilges guliid ja reappáid, muhto rusttet ráhkaduvvo vai sáhttet buvttadit goikeguoli maid. Álttá suohkanis ii leat odne oktage guolledustehus. Jus ásahit guollerusttega Girenjárgii, de šaddá dat rusttet dat viđat maid Cape Fish oamasta Finnmárkkus, ja maid sávvet doaibmagoahtit guovvamánus boahtte jagi rájes.

Laster Twitter-innhold

På forsiden av NRK Sápmi nå