Diibmá almmuhuvvui Geir Lysne Listening Ensemble ođđa skearru "Boahjenásti - The North Star". Skearrus čuojaha Lysne nugohčoduvvon stuorrajoavko-jazz (storband jazz). Ja sápmelaš Johan Sara Jr. lea mielde dán skearrus juoigamin.
Dánska musihkkabálkkašupmi
Skábmamánus oaččui skearru Duiskka musihkkaárvvoštalliid bálkkašumi, Jahrespreis der Deutschen Schallplattenkritik. Dál skearru lea nominerejuvvon "Danish Music Awards Jazz 2007" bálkkašupmái, Jagi riikkaidgaskasaš almmustahttima luohkás. Dát bálkkašupmi sáhttá Norggas buohtastahttot Spelemannbálkkašumiin.
Bálkkašupmi juhkko Danmárkku oaivegávpogis Københápmanis geassemánu gávccat beaivve dán jagi.