Hopp til innhold

Sámediggi skeŋke duoji Ingrid Alexandrai

Gonagaslaš Allavuohta Prinseassa Ingrid Alexandra deavdá otne 18 jagi. Geahča govaid skeaŋkkain áššis. Les på norsk.

Prinsesse Ingrid Alexandra

Bearjadaga ođđajagimánu 21. beaivve deavdá Gonagaslaš Allavuohta Prinseassa Ingrid Alexandra 18 jagi, Sámedikkes skenkejit sutnje sámi duoji.

Foto: Ida Bjørvik / Det kongelige hoff

Sámedikke dievasčoahkkinjođiheaddji Tom Sottinen (Bb) ja Sámediggeáirras Aili Guttorm (NSR) ovddasteaba sámedikki lihkusávaldatdeputašuvnnas Šloahtas bearjadaga.

Sámedikkis sámi duodji maid skeŋkejit ávvudeaddjái Ingrid Alexandrai su 18 jagi beaivvis.

Tom Sottinen

Sámedikke dievasčoahkkinjođiheaddji Tom Sottinen (Bb)) searvá Gonagaslaš Allavuohta Prinseassa Ingrid Alexandra ávvudeapmái.

Foto: Skjermdump / Sametinget

– Son fidne sámi duoji skeaŋkan, sisteveasku maid duojár Pia Jannok lea ráhkadan ja čikŋahearvvaid silbbas maid silbačeahppi ja sámi designer Erica Huuva lea ráhkadan, muitala Sottinen.

Sottinen lea ikte vuolgán ruovttus Finnmárkkus ja girdán máttás, son ii ballan gal láhppit skeaŋkkaid maid dál beaivet galget addit.

Daid mon gal lea váruhan olles mátkkis.

Dáid lea sámedikke skeŋken:

Prinsesse ingrid alexandrai skeankka.

Lea duojár Pia Jannok gii lea gorron dán sisteveasku. Lea ruovtturáhkaduvvon sistti ja datneárppuin hervejuvvon.

Fábmu Erica Huuva

Nubbe skeaŋkka leat silbačiŋat maid ruoŧabeale sámi silbačeahppi Erica Huuva lea ráhkadan. Lea kollekšuvdna Fápmu ja Árbevierru. 

Her er gavene fra Sametinget til prinsesse Ingrid Alexandra

Dá leat dat skeaŋkkat.

Dá oažžu prinseassa skeaŋkkaid

– Dát leat oba fiidnát, logai prinseassa go oinnii skeaŋkkaid.

Geahča olles video dá:

Tom Sottinen og Aili Guttorm overrekker gavene tin prinsesse Ingrid Alexandra

Tom Sottinen og Aili Guttorm overrekker gavene til prinsesse Ingrid Alexandra.

Duddjui sisteveasku

Lea duojár Pia Jannok guhte lea ožžon dan stuora gudnii goarrut sisteveasku prinseassai. Son lea ieš ráhkadan sistti mainna goarui veasku, herven veasku datneárppuin ja bodnojuvvon suonain gorron.

– Stuora gudni go ožžon dán barggu Norgga prinseassai goarrut dán sisteveasku, lohka son.

Pia Jannok syr vesken som gis til prinsesse Ingrid Alexandra

Pia Jannok goarrume veasku.

Foto: Liv Inger Somby/Sametinget / Sametinget

Son diđii geasa veasku galggai, muhto dat ii váikkuhan goarrumii.

– Buot kundarat munnje leat dehálaččat, leaš dal prinseassa dahje dábálaš olmmoš.

Sávan son geavaha skeaŋkkaid

Tom Sottinen gal lohká fiinna skeaŋka maid prinseassa sámis ja Sámedikkis dál fidne 18 jagi beaivái ja lohká guvssi skeŋken go Ingrid Alexandra lei konfirmánta.

Gal livččii somá jos son geavahišgoahtá maid almmolašvuođas sihke silbačiŋaid ja veasku maid Sámediggi skeŋke, sávvá Sámedikke dievasčoahkkinjođiheaddji.

Gonagaslaš hoavva dat lea bovden almmolaš Norgga ovddasteddjiid lihkusávaldatdeputašuvdnii Šlohttii.

Lokte duoji árvvu

Duodjeinstituhta (DI) bargá ealáhusovdáneamen árbevirolaš duoji vuođul ja lohket ge duoji nana identitehta guoddin.

Duodjeinstituhta direktevra Inga Hermansen Hætta lohká stuorra gutnii sámi duodjái jos Prinseassa Ingrid Alexandra geavahišgoahtá ja čájeha daid sámi čiŋaid maid fidne skeaŋkan.

Direktør ved Duodjeinstituttet, Inga Hermansen Hætta åpnet verkstedet

Duodjeinstituhta direktevra Inga Hermansen Hætta lohká stuorra gutnii sámi duodjái jos Prinseassa Ingrid Alexandra geavahišgoahtá sámi čiŋaid.

Foto: Sander Andersen / NRK

Son gudnejahttá de sámi duoji, muhto lea maid atnimin árvvus min kultuvrra, jurddaša Inga Hermansen Hætta.

Son ii leat gal fuomášan Norgga gonagasbearraša ovddasteddjiid geavaheamen sámi čiŋaid, muhto ruoŧa gonagasbearrašis gal lea dan oaidnán.

Mu mielas lei nu somá ja fiinnis oaidnit go gonagaslaččat ledje min čiŋaid coggan ja dan han olmmoš seammás fuomáša.

Inga Hermansen Hættas lea vuordámuš maid Norgga gonagasbearrašii dán olis.

Sámi silbačiŋaid

Se og Hør bláđis leat háleštan čehpiiguin ja gullan makkár čikŋakruvnna dahje diadema vurdet 18-jahkásačča fidnet skeaŋkan, go lea árbevierru ahte gonagaslašbearrašis fidnejit vuosttaš oaivečiŋa go 18 jagi devdet dahje go leat náitalan gonagaslašbearraša ovddasteaddjin.

Man somá livččii su oaidnit albma prinseassakruvnnain mii Norggas lea ráhkaduvvon dahje jo juoidá maid Juhls silbačeahpit Guovdageainnus leat ráhkadan. gos ráhkadit ođđaáigásaš silbačiŋaid sámi árbevieruid vuođul, lohká girječálli ja gonagasviesudovdi Kristin Storrusten, čállá seher.no.

Juhls' Silver Gallery beaivválaš jođiheaddji Sunniva Juhls lohká NRKii ahte áinnas ledje ráhkadit diekkár sámi čikŋakruvnna prinseassai jos sis lei jerrot, muhto dán oktavuođas eai leat makkárge jearaldagaid dan hárrái gal fidnen, lohka son ja moddjada.

Sunniva Juhls

Juhls' Silver Gallery beaivválaš jođiheaddji Sunniva Juhls lohká NRKii ahte áinnas ledje ráhkadit diekkár sámi čikŋakruvnna prinseassai jos sis lei jerrot.

Foto: Marit Sofie Holmestrand / NRK

Korte nyheter

  • Bevilger støtte til nordsamisk språkopplæring

    Sametinget bevilger 175 000 kroner i støtte til ABC-COMPANY E- skole AS og 40 000 kroner til Loppa Sameforening for at de skal holde nordsamisk språkkurs til voksne. – I Norge er det mange folk, som ønsker og trenger undervisning i samisk. Mange har et passivt språk og de behøver trygge rammer for å begynne å bruke språket, sier sametingsråd Mikkel Eskil Mikkelsen i en pressemelding.

  • Doaibmabijuid goavvejagiid várás

    Dán jagi leamašan garra goavvejahki mii lea čuohcan garrasit bearrašiidda ja boazodoalloservodahkii sihke ruđalaččat ja dearvvašvuođa dáfus. Norgga Sámediggi ja Davvi Dearvvašvuohta leat čoahkkinasttán dainna áigumuššan ahte geahčadit mo sáhttet ásahit bissovaš veahkkefálaldagaid sápmelaččaide. Sámediggeráđđi Runar Myrnes Balto dadjá, ahte Davvi Dearvvašvuođas áddejit dan duođalaš dili mii leamaš, ja leatge dál fárrolaga iskamin gávdnat bistevaš doaibmabijuid ja fálaldagaid dán hárrái.

    Rein spiser fôr fordi de ikke klarer å nå ned til lav og mose. Det er flere lag med is som hindrer dem. Derfor må reineiere fôre dem selv. Det vil de helst ikke.
    Foto: Synnøve Sundby Fallmyr
  • Luoitiba lávlaga ráfi birra

    Soai leaba balus leamaš ovdalgo dál álmmuheaba sudno ođđa šuoŋa go lea ráfi birra ja nubbi sudnos ássá Ruoššas. Nu muitala Emil Karlsen, go son lea dáhkan šuoŋa ovttas Ekaterina Efremovan, gii ássá Murmánskkas Ruoššas. Lávlla lea golmma gillii, «Min áiggis – Ближе, чем кажется (In Our Days – Closer Than it Seems)». Dát šuokŋa oainnat lea ráfi birra ja dat ahte galggašii ráfálaččat gulahallat. Gula Emil Karlsena Veaigesáddagis otne muitaleamin dán lávlaga birra ja doppe maid gulat ođđa šuoŋa.

    Samiske Emil Kárlsen slipper det som ble en ekstra aktuell protestlåt sammen med russiske Ekaterina Efronova fra Murmansk. En av verselinjene lyder: "Vi er nødt til å holde den skjøre verden i håndflata vår". Foto: Evgeny Velichko / Ørjan Marakatt Bertelsen NTB kultur
    Foto: Evgeny Velichko / Ørjan Marakatt Bertelsen NTB kultur