Juohke mánus, ođđajagemánus juovlamánnui, leat mii, NRK Urbbi journalisttat, sihke guldalan ja árvvoštallan buot sámi musihka, mii almmuhuvvui.
Dasto leat válljen dan musihkkaalmmuheami, masa liikuimet buoremusat ja nammadan dan Dán mánu Urbin.
12 Urbbi gilvalit dál šaddat Dán jagi Urbin 2021. Dat lea din duohken gii vuoitá.
Vuollelis sáhtát lohkat eambbo juohke artistta birra.
Jienas iežat jiellaha dás:
Guldal buot šuoŋaid min spotifylisttus, Dán jagi Urbi 2021.
Dear Sara
Dear Saras leat guokte lávlaga dán gilvvus. Son šattai sihke ođđajagemánu ja miessemánu Urbin šuoŋaiguin «Something You Should Know» ja «Californication».
- Loga Dear Sara birra:
- Les om Dear Sara:
Emil Kárlsen
Emilis lea leamaš oalle erenoamáš jahki. Son lea leamaš Stjernekamppas juoiganbagadeaddjin ja son nammaduvvui guovvamánu Urbin «Áhkku» šuoŋain.
Emil Karlsen hálešta earret eará áhkkus birra Tine Skolmeniin Festivalsommer prográmmas 2021:s.
Jon Henrik Fjällgren ja Elin Oskal
Fjällgren soaitá jo leat okta sámi stuorámus násttiin ja Elin Oskal lea namma maid oaččut leat sihkkar ahte gulat fas.
Ii leat várra ártet ahte justa sudno šuokŋa «Hold Your Head Up High» šattai njukčamánu Urbin.
- Loga ovttasbarggu birra dás:
Ingá Máiiá Blind
Blind searvvai Sámi Grand Prixii «Fárrui» šuoŋain, muhto vuoittahalai doppe.
Go mii galggaimet mearridit Dán mánu Urbbi, de lei dássálagaid SGP vuoitiin «Jođi» (Hildá Länsmann ja Lávre), nu ahte dárbbašeimmet liigeduopmáriid.
Bohtusa oainnát dás, Ingá Máiiá vuittii.
- Loga eanet dás:
- Les mer her:
Aili
Aili lea álo háliidan šaddat pop-nástin ja dál lea lahkonišgoahtá mihtus. Sus leamaš máŋga šuoŋa sihke P3 ja mP3 čuojahanlisttuin.
Geassemánu Urbi, «Seaside», lea dán rádjai rávdnjejuvvon badjel 2 miljovnna geardde Spotifys.
- Loga šuoŋa birra:
- Les om sangen:
Mánáidmeannu
Mánáidmeannu-skearrus gávnnat sámegielat šuoŋaid mánáide. Ja dás eat hála «Mihkal Rieban» ja «Suga, suga, su» lávlagiin.
Dán skearrus leat ođđaáigásaš šuoŋat. Vihtta nuorra artistta, golbma sámegiela, okta hui buorre skearru.
- Logas prošeavtta birra dás:
Marja Mortensson ja KORK
Vuelie (máttasámi luohti) ja symfoniija. Dál lea Marja Mortensson dan maid dahkan, ja dat boahtá báhcit muitui agi beaivái.
«Kruanavaajja – The Green Valley» lea siŋŋel mii almmuhuvvui moadde mánu ovdal go olles skearru bođii.
- Loga Kruanavaajja birra dás:
Petra Laiti
Gii lea Petra Laiti? Su birra eat diehtán nu olu dáppe Norgga bealde ovdalgo «Ále eastte Mu Dánsumis» almmuhuvvui.
Dat lea su vuosttaš šuokŋa, ja dainna son šattai čakčamánu Urbin.
- Ná manai go Petra lei Valvvi guossis:
Dán mánu Urbi, Petra Laiti lea guossis.
Maixida Märak
«Nu Brinner Ängarna» lávlot mánát dán lávlagis. Maxida dieđiha man dilis mii leat dán lávlagis, muhto lihkká ii oro nu suhtus.
- Loga šuoŋa birra dás:
Agnete
Agnetes lea leamaš oalle erenomáš jahki. Earret eará lei duopmárin Stjernekámppas oktan Emil Kárlseniin go luohti lei prográmmas.
Agnete Jienáda -ráidu maid oaččui buriid árvvoštallamiid, ja dan ráiddus mii oaidnit maid ahte álgá čállit justa dán šuoŋa. «Linna Giella».
- Loga eanet dás:
Kitok
Kitok oaččui vejolašvuođa bargat ovttas Dogge Doggelitoin, ovtta dain stuorámus ráppáriin Ruoŧa historjjás. Ja dákkár vejolašvuohta gal ii boađe juohke beaivvi.
Das bođii «Mer än Livet» skearru.
- Loga eanet dás:
- Les mer her:
