Oktiibuot Gollegiehta-gilvvus ledje mielde čieža nissonolbmo ja 16 almmáiolbmo, dieđiha
Heahtá Márjjábeivviin lei dán jagi ođđalágan njoarostangilvu, mas njoarostedje lihkadeaddji stoalppuid.
Nissoniid Gollegiehta-loahppagilvvuid vuittii guovdageaidnolaš Anne Marie Therese Eira Kemi, guhte gilvalii Rauna-Maaria Näkkäläjärvi vuostá.
Almmáiolbmuid Gollegiehtan njoarostii mázelaš Máhtte Niillas Gaup, gii gilvalii finálas Mikkel Andreas Eira vuostá.
Vuoitun guktuid luohkáin lea 500 euro.
Heahtá Márjjabeaivvit leat lágiduvvon jagi 1971 rájes, ja álggu rájes lea searvi man namma lea Johtti sápmelaččat lágidan doaluid. Searvi vuođđuduvvui jagis 1969.
Márjjabeivviin leat sihke njoarostangilvvut, heargegilvvut, konsearttat ja eará kulturdáhpáhusat.
