Dán jagá suohpangiehta

Oassi davimus sámi suohpangieđain čoahkkanedje mannan vahkkoloahpa Dávgevárrái, Suoma bealde. Doppe gilvaledje ođđa áigásaš vuogi miel. Ja gii son de šattai dán jagá suohpangiehta lei Nils Máhtte Eira.

Oassi davimus sámi suohpangieđain čoahkkanedje mannan vahkkoloahpa Tankavárrái, Suoma bealde. Doppe gilvaledje ođđa áigásaš vuogi miel. Ja gii son de šattai dán jagá suohpangiehta lei Nils Máhtte Eira.

Reportár, govven ja čuohppan: Kirsti Helena Länsman/Yle Sápmi

TV-ášši oainnát go deaddelat gova.

Ievttá loahppagilvui ledje gazzasan 32 njoarosteaddji. Ja buoremusat buot hástalusaiguin, váttes bánain, geahččiiguin ja heajos dálkkis birgii kárášjohkalaš boazodoalli Nils Máhtte Eira. Ii son gal vuoitán vuosttaš gearddi, giđđadálvvi son vuittii maid Anára heargegonagasgilvvuid njoarosteami. Mii dat dalle dahká stuorra vuoiti:

– Dat lea nugo juohke gilvvus njoarosteapmi, dat lea lihku duohken maiddái, dan dat gal lea, muhto lihkku ii dáhpáhuva juos ii leat maid čehppodat, nu ahte dat lea várra aisttan dakkár fiinna seaguhus, lihkku ja čehppodat, lohká Nils Máhtte Eira.

Hástaleaddji gilvu

Ođđaáigásaš gilvvohallanvuogi mielde njoarosteaddjit galget deaivat johtti moala. Ii das vel doarvái ahte stoalpput livket, gaskii leat gilván vel eastagiid maid meattá galgá deaivat.

– Na, dat aistton, mii lea lassi momeanta. Don čuoččut dan balla álde ja lea johka ja de lea stuorra stuolpu dákko mas lea čoarvi ja vel seainnit guovtte beale. Ja vel ovdal dan finála, bidje vel čorvviid daid bajábeale stoalppuide, nu ahte šadde máŋga hástalusa, dat manai bures, lohká Nils Máhtte Eira

Dán jagi gilvvus iežas deattu dagai vel arvedálki. Diimmá vuoiti mielas iežas hástalusa buktet maid geahččit, ii galgga ballat vaike logit čalbmepárat boldet čielggi.

– Galhan das iežas smáhka addá go geahččit čielggi duohken vurdet mo dat manná, lohká Petri Mattus

Bohtosat

1. Nils Máhtte R. Eira

2. Johan Isak J. Eira

3. Taneli Magga

4. Erkki Hetta

5. Jani-Petri Marjala

6. Markku Nikodemus

7. Sami Siirtola

8. Rauna-Maaria Näkkäläjärvi

9. Salomo Näkkäläjärvi

10. Petri Mattus