NRK Meny
Normal

Dálkeeinnosteaddji: – Šaddá fiinna báhkka geassi dán jagi

Henrik Sarri lea olles eallinagis einnostan dálkki, ja nu lea son dahkan dán geassái maid.

Henrik Sarri

Henrik Sarri (86) lea dovddus dálkeeinnosteaddji, ja dán geassái son einnosta čáppadálkkiid.

Foto: SVT

– Šaddá fiinna dálki, muhto muhtimin dat gal diehttelasat arvá. Suoidnemánu gaskkamuttos bohtet albma báhkat. Muhtin beivviid šaddá lieggasetgo 25 liekkasceahki. Dán geasi šaddá diekkár báhkat, muhto dat eai bistte nu guhká, čilge Sarri.

Henrik Sarri ássá Nikkaluovttas Davve-Ruoŧas.

Son lohká iežas einnostit dálkki 2-3 mánu ovddosguvlui, ja dábálaččat láve su einnosteapmi doallat bures deaivása.

– Borgemánus boahtá vel ain buoret dálki. Dalle lea eambbo dássádus ilbmi, iige nu olu arvi. Iige leat menddo báhkka. Borgemánu gaskkamuttos gitta čakčamánu gaskkamuddui leat buorit ilmmit, einnosta Sarri.

Sommer

Dán geasi soaitá dávjá šaddat dárbu dákkár biktasiidda, jus galggaš jáhkit Henrik Sarri einnostepmái.

Foto: Larsen, Håkon Mosvold / SCANPIX