Dál vurdet ruđa dán skuvlla huksemii

Gurutbellodat áigu vuoruhit ođđa joatkkaskuvlla Guovdageidnui, go bušeahttašiehtadallamat álget ráđđehusbellodagaiguin, lohká Gurutbellodaga nubbijođiheaddji Ola Elvestuen.

Skisser av den nye samiske videregående skolen i Kautokeino

Sus lea jáhkku dasa ahte dál juolloduvvo ruhta hukset Guovdageidnui ođđa sámi joatkkaskuvlla ja boazodoalloskuvlla, lohká Anton Dahl.

Foto: LMR arkitektur AS/Landskaperiet AS/Statsbygg

Guovdageainu ja Kárášjoga stáhta joatkkaskuvllaid stivrrajođiheaddji Anton Dahl lohká jáhkku dasa ahte doppe dál juolloduvvo ruhta hukset Guovdageidnui ođđa sámi joatkkaskuvlla ja boazodoalloskuvlla 300 miljovnna kruvdnii, go stáhtabušeahta álmmuhit gaskavahku.

Sámi joatkkaskuvllaid stivrajođiheaddji Anton Dahl logai Sáhka váibmosis vuossárgga, ahte dál vuordá ruđa plánejuvvon skuvlii:

Gulahallan Gurutbellodagan

Ikte logai Anton Dahl ahte son lea háleštan Elvestueniin, ja jos skuvlahuksen ii šatta dán vuoru, de berre goit 10 miljovnna kruvnna addojuvvot viidáset plánemiidda.

Gurutbellodat ii leat ráđđehusas, muhto lea dorjon ráđđehusbellodagaid Olgešbellodaga ja Ovddádusbellodaga bušeahttaáššiin.

Elvestuen oaivvilda ahte dát 300 miljovdnasaš joatkkaskuvla šattašii hirbmat dehálaš skuvlan Norggas: