NRK Meny
Normal

Dál lea áigi gilvigoahtit šattuid

Dál lea áigi gilvigohtit jos čakčabeallái galggašedje šattut leat sturron, kurssas leat dál oahppan ođđa vugiid gilvit šattuid.

Lávkešattut

Lávkešattut

Foto: Bioforsk Jord og Miljø

Tone Anndahl

Buđehat

Foto: Anne Olli

Dál livččii áigi gilvigoahtit siepmaniid muldii jos geassái ja čávččabeallái galggašii sáhttit bealddus viežžalit rušpiid dahje eará šattuid. Dál diehtalasat fertešii vuos stohpui gilvit unna krukkožiidda, nu dat oahpahii Svanhovda Bioforsk Jord og Miljø Tone Aandahl dá gieskat kurssas Kárášjogas.

Dál galggašii gilvigoahtit

Unna plastit krukkožiidda soai rávveba vuos gilvit, ja de maŋŋelis sáhttá gaikut eret muhtin ráje vai šadda buoret šaddandilli daid unna šattožiidda. Ja go dát šaddet stuoribun ja idjagálmádagat leat nohkan, na de sáhttá dáid sirdit olggos beldui.

Marianne Svenske

Marianne Svenske

Foto: Anne Olli

Tone Aandahl muitala ahte dáin sáhttá maid borrat daid ruonas suidnelaganaš šattuid juo geassit. Marianne Svenske lohká dás maid šaddat lávkki, ja dán gohčodeaba sáláhtalávkin.

Soai čilgiiga mo vilgeslávkkiid sáhttá gilvit. Dáid lohkaba fertet čakčat juo bidjat beldui. Lohkaba ahte sáhttá vilgeslávkkiin váldit osiid ja coggat sullii gávcci sentte muoldda vuollái. Ja dát galget orrut badjeldálvvi olgun muolddas. Dáid gaska galgá sullii 10- 15 cente.

Ohppe ja fuomášedje ođđa áššiid

Sii geat dán kursii serve ohppe máŋggalaganaš vugiid. Inga Porsanger muitala iežas dál áigut gilvit rusppesiepmaniid mielkepáhpaid sisa, ja go idjagalmádagat nohket , de sirdá daid olggos beldui. Iige das galle, son áigu maid buđehiid gilvit, áigu maid geahččalit daid gilvit biilagummejorri sis. Dokko bidjá son moaldda ja buđetšattu, ja go buđetgálla guhku ja don galggašii muldet, na dalle son bidjá nu biilajuvlarieggá ja deavdá dasa ges moalddá. Na šaddá buđehiidda buorre šaddan dilli.

Inga Porsanger, Marit Didriksen, Liv Nŧmo ja Liv Engholm

Inga Porsanger, Marit Didriksen, Liv Nŧmo ja Liv Engholm

Foto: Anne Olli
Buđehat

Buđehat

Foto: Anne Olli